Helgu Völu dreymdi Hrafn og nú er baráttumál hans á dagskrá: „Ég lofa að gera allt sem ég get“

Helga Vala Helga­dóttir, þing­maður Sam­fylk­ing­ar­innar, lofar því að gera allt sem getur til að þess að bar­áttu­mál Hrafns Jök­uls­sonar heit­ins nái fram­gangi. Hrafn hafði und­an­farin ár hvatt Helgu Völu til dáða varð­andi betri aðstæður á geð­deildum Íslands. Það hefur verið löngum vitað að geð­heil­brigð­is­mál á Íslandi eru í molum.

Helga Vala skrifar á Facebook: „Rétt í þessu var þess­ari þings­á­lyktun okkar í þing­flokki Sam­fylk­ing­ar­innar dreift en þetta er í þriðja sinn sem við leggjum málið fram. Tillagan snýst um upp­bygg­ingu geð­deilda, sem er ekki áhuga­mál okkar sem til­lög­una flytjum heldur lífs­nauð­syn fyrir not­endur þjón­ustu á geð­deildum lands­ins. Við vitum öll, þar á meðal stjórn­völd, að þeim sjúk­lingum sem takast á við geð­rænar áskor­anir og þurfa á inn­lögn að halda eru skap­aðar óboð­legar aðstæður. Sama má segja um það starfs­fólk sem sinnir hinum sjúku. Það sýna fjöldi skýrslna sem rit­aðar hafa verið en ekk­ert bólar á aðgerðum stjórn­valda til upp­bygg­ingar þeim geð­deildum, á Land­spít­ala og Sjúkra­hús­inu á Akureyri sem eru í rekstri. Ekki er heldur gert ráð fyrir geð­deildum LSH á nýja með­ferð­ar­kjarn­anum sem nú er í bygg­ingu. Við þurfum nútíma­legar geð­deildir sem byggja á nútíma­legri hug­mynda­fræði um heil­brigð­is­þjón­ustu við fólk með geð­rænar áskor­anir. Heilsu­efl­andi umhverfi en ekki inni­lokun í leku hús­næði.“

Hún seg­ist til­einka þessa þings­á­lyktun til minn­ingar Hrafns. „Að þessu sinni er fram­lagn­ingin til­einkuð minn­ingu Hrafns Jök­uls­sonar, sem ítrekað hefur haft sam­band við mig und­an­farin ár og hvatt mig til dáða varð­andi þetta mál, enda sjálfur eld­heitur bar­áttu­maður fyrir betri aðstæðum á geð­deild­unum. Þannig vildi til að í byrjun síð­ustu viku þá dreymdi mig Hrafn, sem sagði mér það eitt í heim­sókn­inni í draum­inn að ég mætti ekki gef­ast upp á bar­átt­unni fyrir þessu máli. Ég trúi nú frekar lítið á til­vilj­anir og sendi Hrafni því skila­boð þess efnis að ég myndi ekki gera þetta ein, við værum bæði í þessu þannig að hann hefði verk að vinna með því að svæla burt hana Surtlu sem hafði ruðst inn í líf hans.

Surtla hafði svo betur í lok vik­unnar og nú er þetta mál komið til þings­ins og því lofa ég að gera allt sem ég get til að þetta mál nái fram­gangi.“