Hestaníðingur fékk leyfi MAST til að kaupa þrjú ný folold: „Matvælaráðherra er algjörlega lamaður“

Einn af meintum ger­endum í hrossa­níð­ings­mál­inu á Borg­ar­nesi fær þrjú ný folold afhent í kvöld. Mast sá því ekk­ert til fyr­ir­stöðu.

Illa farið með fal­lega skepnu.

Mynd: Steinunn Árna­dóttir

Steinunn Árna­dóttir, hesta­konan sem fyrst vakti athygli á mál­inu með birt­ingu ljós­mynda af hrossum í afar slæmu ásig­komu­lagi, heyrði í Mannlífi vegna nýrra frétta af mál­inu. „Stúlkan sem gekk hvað harð­ast í að mis­þyrma kúnni sem hafði fests í skurði, hún var að fá folold og þau eru akkurat núna í flutn­ingi frá Vopna­firði og í Borg­ar­fjörð. Ég reyndi allt í gær til að stoppa þetta af en það var ekki hægt. Mast gaf leyfi, sagði að þau geti bara haft skepnur eins og þeim sýn­ist.“ Bætti Steinn­unn því við að það „væri kannski gaman að hafa mót­töku­nefnd fyrir þau þegar send­ingin kemur frá Vopna­firði. Þetta eru þrjú folold sem stúlkan fær.“ Sagði hún aukreitis að málið allt væri komin í ein­hver „skringi­leg­heit“. „Ég bað mann­inn sem flytur hrossin að gera það ekki en fékk bara leið­indi fyrir.“

„Mast eða öllu heldur mat­væla­ráð­herra, er algjör­lega lamaður, það er ekk­ert að ger­ast,“ sagði Steinunn að lokum.