Klístruð karamellukaka

Kara­mellu kaka er eft­ir­réttur sem slær í gegn hjá flestum. Kakan er yfir­leitt borin fram með ís eða rjóma og volgri kara­mellusósu hellt yfir. Þessi upp­skrift er alls ekki flókin og tekur aðeins um klukku­stund að útbúa. Athugið að kakan er best volg svo gættu þess að sósan nái að bráðna örlítið inn í kök­una áður en ís eða rjómi er sett ofan á áður en þú berð fram.

Hráefni:

Kaka

1 bolli döðlur, steina­lausar

1 bolli vatn

4 mat­skeiðar smjör, brætt

¾ bolli púð­ur­sykur

2 egg

2 mat­skeiðar gull­síróp

¼ bolli melassi/dökkt síróp

1½ bolli hveiti

2 tsk mat­ar­sódi

1½ teskeið lyfti­duft

½ teskeið salt

Sósa

8 mat­skeiðar smjör

½ bolli púð­ur­sykur

¼ bolli gull­síróp

½ bolli melassi/dökkt síróp

¾ bolli þeyttur rjómi

Aðferð:
1. For­hit­aðu ofn­inn þinn í 175 gráður. Smyrðu 20×20 cm köku­form og leggðu til hliðar.

2. Setjið döðl­urnar í vatn í með­al­stóran pott og látið suð­una koma upp. Þegar döðl­urnar byrja að mýkj­ast skaltu taka þær af hell­unni og láta kólna í um eina mín­útu. Setjið döðl­urnar í bland­ara og þeytið saman þar til blandan er orðin mjúk.

3. Þeytið saman smjör(brætt) með púð­ur­sykrinum saman í skál. Bætið eggj­unum út í og ​​þeytið þar til blandan er orðin létt. Þeytið gull­sírópið, melass­ann/dökkt síróp og döðlu­blönd­una út í og blandið vel.

4. Í annarri skál blandið saman hveiti, mat­ar­sóda, lyfti­dufti og salti.

5. Blandið blautu og þurru hrá­efn­inu saman. Bætið helm­ingnum af hveiti­blönd­unni út í döðlu­blönd­una og þeytið þar til það hefur bland­ast að fullu. Bætið svo rest­inni af hveit­inu saman við og blandið vel saman.

6.Hellið köku­deig­inu í bök­un­ar­formið og bakið í ofni í um það bil 35 mín­útur. Hægt er að stinga prjón í miðj­una á kök­unni en ef hann kemur hreinn út er kakan til­búin.

7. Á meðan kakan er að bak­ast er til­valið að gera sós­una. Í með­al­stórum potti, bætið smjöri, púð­ur­sykri, gull­sírópi, melassa/dökkt síróp saman við og hrærið vel. Sjóðið saman þar til smjörið hefur bráðnað og suðan komin upp. Því næst blandið þið rjóm­anum út í.

8. Skerið kök­una og berið fram. Best er að taka kök­una úr form­inu meðan hún er enn volg. Skerið í sneiðar og hellið kara­mellusós­unni yfir. Berið það fram með vanilluís, þeyttum rjóma og/eða söx­uðum pek­an­hnetum eða val­hnetum.

Fyrir áhuga­sama má nálg­ast fleiri upp­skriftir í nýju blaði Víns og matar