Grindvíkingurinn og samfélagsrýnirinn, Björn Birgisson, sendi Kristrúnu Frostadóttur, alþingiskonu og formannsframbjóðanda í Samfylkingunni, nýverið bréf, þar sem hann lagði fyrir hana einfalda spurningu.
Flest bendir til þess að Kristrún verði næsti formaður Samfylkingarinnar, en formenn þeirra flokka sem sitja ekki í ríkisstjórn fá nokkuð veglega greiðslu ofan á laun sín; spurði Björn Kristrúnu hvort hún myndi þiggja þessi laun:
Hann birtir svo færslu á Facebook-síðu sinni:
„Kristrún hefur svarað,“ og bætir við að hann hafi sent spurninguna fyrir nokkrum dögum; ítrekað hana í tvígang, áður en svar barst:
Spurning Bjarnar var svohljóðandi:
„Munt þú þiggja þessi rúmlega 673 þúsund á mánuði sem formenn flokka – án ráðherradóms – fá frá ríkinu?“
Síðan birtir hann svarið frá Kristrúnu:
„Já, verði ég kosin formaður mun ég þiggja þessi formannslaun.“
Björn er ekki vera sáttur við svar Kristrúnar:
„Þá liggur það fyrir. „Mútur Davíðs“ hef ég stundum kallað þessa aukasporslu til formanna sem ekki eru ráðherrar og ég tel hana með öllu siðlausa og sérlega taktlausan átroðning á skattfé almennings. Ég mun ekki styðja flokk sem lýtur formennsku einhvers sem hefur geð í sér til að þiggja aukalega rúmlega 8 milljónir á ári úr ríkissjóði án nokkurs vinnuframlags á móti eða kröfu um slíkt framlag. Það þarf ekkert að ræða það frekar, en mun alltaf líta á mig sem jafnaðarmann að upplagi. Margir eiga sína pólitísku sýn án þess að eiga aðild að stjórnmálaflokki.“
Athugasemdir