KR áfrýjar og Kristó ekki kátur: „Tel stöðuna vera alveg eins og hún var í héraðs­dómi“

Krist­ó­fer Acox núver­andi leik­maður Vals og lyk­il­maður lands­liðsliðs­ins í körfu­bolta, segir það hafa komið sér á ó­vart KR, upp­eldis­fé­lag hans, á­kvað að á­frýja dómi Héraðs­dóms Reykja­víkur, sá dómur var Krist­ó­fer í hag í launa­deilu hans við félagið.

Krist­ó­fer – oft kall­aður Kristó – segir að málið sé leið­in­legt í alla staði; honum þykir vænt um KR og ber sterkar til­finn­ingar til félags­ins.

Hann mætti í morgun í Lands­rétt, en þá var tekin fyrir á­frýjun KR á dómi Héraðs­­dóms Reykja­víkur í launa­­deilu Krist­ó­fers við KR; hér­aðs­dómur dæmdi Krist­ó­fer í hag á síð­asta ári.

Í dómi Héraðs­­dóms Reykja­víkur í fyrra­sumar var KR dæmt til að greiða Krist­ó­fer tæpar fjórar millj­ónir króna á­­­samt máls­­­kostn­aði; kom fram að KR hefði ein­ungis í eitt skipti borgað um­­­­­samin mán­aðar­­­laun Krist­ó­fers – 600 þús­und krónur á­­­samt árang­urs­­­tengdum greiðslum – á réttum tíma.

Svaka­lega góður leik­maður hann Krist­ó­fer Acox.

Yfir­­­­­höfuð hafi greiðslur til Krist­ó­fers borist seint; heilt yfir hafi KR um tíma skuldað leik­mann­inum um það bil 11 millj­ónir króna.

KR var þó búið að borga Krist­ó­fer sjö millj­ónir.

Í spjalli við Frétta­blaðið segir Krist­ó­fer að það hafi komið honum á ó­vart þegar hann frétti af á­frýj­un­inni:

„Það kom mér á ó­vart þegar að ég frétti af því á sínum tíma að KR ætl­aði sér að á­frýja niður­stöðu hér­aðs­dóms. Málið fór eins og það fór þar, mér í hag og ég fór bara brattur inn í dóm­sal í morgun og tel stöð­una vera alveg eins og hún var í hér­aðs­dómi.“

Má búast við niður­stöðu máls­ins á næstu 4 vikum:

„Nú bíð ég bara eftir því að Lands­réttur kveði upp sinn dóm núna á næstu vikum og von­andi að þetta taki enda þá. Að maður geti sagt skilið við allt þetta ferli. Að sjálf­sögðu er þetta leiðin­legt, KR er mitt upp­eldis­fé­lag.

Öll þau sam­skipti sem hafa átt sér stað síð­ast­liðin tvö ár, leið­indin og það sem á sér stað bak­við tjöldin, auð­vitað hefur þetta verið langt og strembið. Ég hef þó fundið minna fyrir þessu eftir að Héraðs­dómur Reykja­víkur dæmdi loks­ins í mál­inu í fyrra en það að maður þurfi að standa í svona leið­inda­deilum við fé­lag sem manni þykir auð­vitað vænt um, ber mikla virð­ingu fyrir og til­finn­ingar til kjarnar í raun hversu mikið leið­inda­mál þetta er.“