Kristinn átti einkafund með Lula da Silva: „Spennan í höfuðborginni Brasilíu er nánast áþreifanleg“

Kristinn Hrafns­son rit­stjóri Wikileaks er nú á ferða­lagi ásamt félögum sínum hjá Wikileaks, um Suður- Ameríku. Í gær hitti hann nýkjör­inn for­seta Brasilíu, Lula.

Ræddu þeir félagar um mál­efni Julian Assange, fyrrum rit­stjóra Wikileaks sem nú sætir póli­tískum ofsóknum en hann bíður dóms í bresku fang­elsi en Banda­ríkja­menn vilja fá hann fram­seld­ann svo hægt verði að kæra hann fyrir njósnir. Eft­ir­far­andi texta skrif­aði Kristinn á Facebook í dag:

„Nýkjör­inn for­seti Brasilíu, Luiz Inácio Lula da Silva (eða bara Lula), gaf sér tíma til að hitta mig og mína félaga í föru­neyti WikiLeaks á ferð um Rómönsku Ameríku í gær­kvöld. Mér þótti sér­stak­lega vænt um fund­inn í ljósi þess að hann er að fara í gegnum gríð­ar­lega erfið valda­skipti þar sem rífa þarf stjórn­ar­taumana af Bol­sono­aro. Spennan í höf­uð­borg­inni Brasilíu er nán­ast áþreyf­an­leg.

Við áttum gott spjall á löngum einka­fundi um mál­efni Julian Assange og þær póli­tísku ofsóknir sem bein­ast gegn honum og WikiLeaks. Lula hefur sjálfur þurft að þola slíkar ofsóknir og fang­elsun og er póli­tísk upp­risa hans sögu­leg með kosn­inga­sigri fyrir tæpum mán­uði.Þessi hlýi og þægi­legi maður hét áfram­hald­andi stuðn­ingi við þá bar­áttu að hrinda ógn við fjöl­miðla­fresli i heim­inum sem ofsókn­inar gegn Julian fela í sér.Brasilía, stærsta og öfl­ug­asta ríki Suður Ameríku er að senda afdrátt­ar­laus skila­boð til Biden stjórn­ar­innar. Það hefur Gustavo Petro for­seti Kólumbíu þegar gert með skýrum hætti.

Fleiri lönd framundan.“

Lula og Kristinn

Mynd: Facebook