Búið er að staðfesta nokkur tilvik veikinda nemenda í Hofstaðaskóla í Garðabæ vegna myglu sem þar hefur greinst. Ákveðið hefur verið að loka fimm kennslustofum og hafa skólastjórnendur sent út bréf til forldra vegna ástandsins. Þar eru foreldrar beðnir að halda ró sinni og ræða af yfirvegun við börnin sín.
Vonast er til að hægt verið að redda færanlegum kennslustofum í stað þeirra sem lokaðar hafa verið og stjórnendurnir fullyrða að kennsla í skólanum komi til með að raskast óverulega vegna myglunnar:
„Næstu daga og fram að jólafríi verður kennsla í þeim bekkjum sem hafa notað stofurnar fimm sem verður lokað færð annað.
Mikilvægt er fyrir börnin okkar að umræða um stöðuna sé yfirveguð og þess gætt að halda ró. Verið er að bregðast við skemmdum og afleiðingum þeirra og í kjölfarið er áformað að fara í víðtækar endurbætur á skólahúsnæðinu. Best er að segja eins og er að það hafi fundist mygla á nokkrum stöðum og verið sé að skoða húsið betur. Vitað er um nokkur tilvik þar sem hugsanlega má rekja veikindi nemenda til þess.
Ítarlegri mælingar á húsnæði Hofsstaðaskóla
Í framhaldi af ábendingum um loftgæði í Hofsstaðaskóla voru tekin sýni í byrjun nóvember 2022 og þau send í greiningu. Samkvæmt niðurstöðum þeirra fannst mygla undir gólfdúk í þremur kennslustofum. Jafnframt greindist mygla í ryki í tveimur öðrum kennslustofum og hefur öllum fimm kennslustofunum verið lokað. Öll húsgögn og munir sem eru inni í kennslustofunum verða fjarlægð og sótthreinsuð með viðeigandi hætti. Svo virðist sem rekja megi mygluna til eldri rakaskemmda í skólanum sem búið var að lagfæra.“
Athugasemdir