Ísland vann Iceland

Fjöl­skipuð áfrýj­un­ar­nefnd Hug­verka­stofu Evr­ópu­sam­bands­ins hefur nú vísað frá áfrýjun Iceland Foods í deilu keðj­unnar og íslenskra stjórn­valda vegna vöru­merkja­skrán­ingar á orð­inu Iceland.

Telst því skrán­ing versl­un­ar­keðj­unnar ógild, en þetta kom fram á vef­miðl­inum Vísi.

Hin áður­nefnda fjöl­skip­aða áfrýj­un­ar­nefnd kvað upp dóm sinn í síð­ustu viku; en í stuttu máli hefur deilan snú­ist um hvort að fyr­ir­tæki geti mögu­lega slegið eign sinni á heiti full­valda ríkis.

Á fyrri stigum máls­ins, árið 2019, hafði Ísland betur í deil­unni; Iceland Foods áfrýj­aði nið­ur­stöð­unni.

Var ákveðip að halda munn­legan mál­flutn­ing vegna máls­ins fyrir fjöl­skip­uðu áfrýj­un­ar­nefnd­ina.

Það var lög­mað­ur­inn Ásdís Magn­ús­dóttir sem flutti málið fyrir hönd Íslands:

„Við erum hér til að sækja vernd fyrir nafnið á land­inu okkar,“ sagði Ásdís er málið var tekið fyrir í sept­em­ber, síð­ast­liðið haust.

Eins og áður sagði var áfrýj­un­inni vísað frá fjöl­skip­uðu áfrýj­un­ar­nefnd­inni og stendur úrskurð­ur­inn frá 2019 því óhagg­aður; sem þýðir að vöru­merkja­skrán­ing Iceland Foods á orð­merk­inu Iceland í Evr­ópu­sam­band­inu er ógild; skrán­ing­arnar skuli felldar úr gildi.

Nið­ur­stöðu áfrýj­un­ar­nefnd­ar­innar má áfrýja til Evr­ópu­dóm­stóls­ins, sem myndi þá taka algjöra loka­á­kvörðun í mál­inu.