Það er gömul saga og ný að þorramatur þykir dýr. Reglulega kemur sú umræða upp. Þar er grúppan Vertu á verði engin undantekning. Og nú eru það súru hrútspungarnir frá SS sem eru seldir í Bónus sem þykja hafa hækkað óhóflega milli ára.
Súrir hrútspungar frá SS hafa hækkað um 13% milli ára í Bónus. Í janúar 2022 kostaði kílóið 3879 krónur en kostar núna 4398 krónur. Þess má einnig geta að blaðamaður sá súra hrútspunga frá SS í Nettó á 4899 krónur sem er 11 prósent dýrara en í Bónus.
Mannlíf leitaði viðbragða hjá framleiðanda.
„SS hækkaði súrmat um 14% milli ára sem er umtalsvert en að okkur sýnist mun minna en aðrir framleiðendur gerðu,“ segir Steinþór Skúlason, forstjóri SS.
Steinþór segir að hafa verði í huga að verð til sauðfjárbænda hafi hækkað um nálægt 34% milli ára. Svo 14% er lítið í því ljósi að hráefnið hafi hækkað nær 30%.
Einnig bendir hann á að þeir hafi engin afskipti af smásöluverði og hugsanlegt er að álagning verslana hafi breyst milli ára án þess að þeir hafi nokkrar upplýsingar um það.
Hann vísar í könnun á súrmat í verslunum sem þeir gerðu styðji að SS hafi hækkað mun minna en aðrir
Athugasemdir