TikTok tálbeitan afhjúpar aðferð sína í viðtali: „Ég sá bara barnabílstólinn og mér bara blöskraði“

TikTok tál­beitan mætti í við­tal í hlað­varps­þátt­inn Götu­strák­arnir. Þættinum er stjórnað af félög­unum Jeppa­kall69 og Ronna Gonna eða þeim Bjarka Við­ars­syni og Aroni Mími. Mannlífi barst mynd­brot úr þætt­inum og þar sést TikTok tál­beitan með bófa­lega lamb­hús­hettu og rödd hans hefur verið bjöguð – og kynnir sjálfan sig sem Barna­perrar Exposed. Er nafnið til­vísun í nafnið sem aðgangar hans bera bæði á TikTok og Instagram.

Þátta­stjórn­end­urnir segja frá því að þeir hafa í margar vikur reynt að fá hann sem gest í þátt­inn og fagna því að loks­ins hafi orðið af heim­sókn­inni.

Aðspurður hvort áfram­hald verið á afhjúpun barn­a­níð­inga svarar hann: „Vonandi í fram­tíð­inni, en spurn­ing hvað lög­reglan og fólk í raun­inni segir. Hvort það sé til­búið að standa við bakið á mér“.

Ertu í smá pásu núna?

„Já, alla vega að hitta þá,“ svarar Barna­perrar Exposed og bætir við að hann hins­vegar stundi það enn að tala við þá.

Hvað ertu búinn að hitta mikið af barn­a­níð­ingum?

„Uh sko, ég er búinn að ná níu, held ég. Búinn að hitta tíu eða ell­efu,“ og bætir við að hann muni ekki nákvæma tölu.

Hvernig virkar þetta hjá þér, hvað gerir þú til að kom­ast í tæri við barn­a­níð­ing á Íslandi?

„Þetta er bara einka­mál,“ svarar hann og á við að þetta sé í gegnum aðgang inni á heima­síð­unni einka­mál.is. „Það er bara ein­fald­ast að gera aug­lýs­ingu þar,“ bætir hann svo við.

Hvernig gerir þú svona aug­lýs­ingu þar? 

„Sko það yngsta sem þú getur valið er 18 ára. En svo skrifar þú bara í bio: Hæ, ég heiti þetta og er þetta gömul … 12, 11, 13 ára – Og svo set alltaf Snapchat nafnið og þá fæ ég bara fri­end request hægri vinstri.“

Hann er því næst spurður hvernig fólk nálgist hann og hann svarar:

„Fólk á öllum aldri, bæði karl­menn og konur.“ Hann útskýrir í fram­hald­inu að þetta séu allskyns fólk: „Já, bara mamma og pabbi úti í búð.“

Aðspurður hvernig sam­tölin eigi sér stað svarar hann:

„Þeir halda mest megnis uppi sam­töl­unum. Oftast er ég frekar svona leið­in­leg eða leið­in­legur við þá og svona nenni ekki að tala við þá – svona bla bla. Þá verða þeir nátt­úru­lega alltaf miklu spennt­ari. Þú vilt miklu meira fá eitt­hvað sem þú getur ekki fengið.

Hvað ertu gömul á þessum miðlum?

„Yngsta sem ég hef verið er ell­efu en svo allt upp í fjórtán.“

Ellefu ára? Er mikil eft­ir­spurn eftir því á Íslandi?

„Já, á Íslandi“

Langar þig aldrei að beita þessa menn grófu ofbeldi þegar þú hittir þá?

„Eh, það hefur alla veg­ana verið í eitt skipti þegar ég náði einum sem ætl­aði að sofa hjá ungum strák. Ég varð mjög reiður og pínu sár af því að ég sá að hann á sjálfur barn, sem er reyndar stelpa og aðeins yngri – Ég veit ekki alveg hvað hún er, ég held að hún sé níu ára. Ég sá bara barna­bíl­stól­inn og mér bara blöskr­aði og ég varð bara … já, ég varð mjög reiður þá, sko.“ Hann bætir svo við að reiði hans hafi komið vel fram í mynd­skeið­inu sjálfu.

Nálgast má áskrift að þáttum Götu­strák­anna inni á brot­kast.is