Fasteignasölum mun fækka talsvert árinu vegna minnkandi umsvifa á fasteignamarkaði.
Í venjulegu árferði ættu að seljast um 800 hundruð íbúðir á mánuði gér á landi; fyrstu tvo mánuði ársins 2023 eru þær innan við 900 hundruð, svo fækkunin er umtalsverð.
Óhætt er að segja fasteignamarkaðurinn á Íslandi hafi oftlega verið mjög líflegur; reyndar svo líflegur að Seðlabankinn hefur gripið til aðgerða, sem eru svo sannarlega farnar að bíta og fasteignasalar finna fyrir því; sala á húsnæði hefur dregist mikið og hratt saman.
Formaður Félags fasteignasala, Hannes Steindórsson, segir í samtali við ruv.is að þrír þættir valdi þar mestu um; vaxtahækkanir Seðlabankans; verðbólga og regla um að einungis megi ráðstafa ákveðnum hluta af ráðstöfunartekjum til húsnæðis.
„Ég myndi segja að verðbólga og vextir væru stærstu þættirnir.“
Hann bendir á að miðað við fólksfjölda væri ekki óeðlilegt að 800, jafnvel 1000 íbúðir væru seldar í mánuði hverjum; samanlagt voru þær innan við 900 í janúar og febrúar.
Á öllu Íslandi eru fasteignasalar á sjöunda hundrað talsins.
Á undanförnum misserum hefur borið á því að íbúðir hafi verið seldar yfir ásettu verði; að margir hafi verið að bjóða í sömu eignina.
Hannes segir þetta hafa breyst.
„Í desember var það hlutfallið 17,6 prósent sem fóru á yfirverði; í janúar var það komið niður í 12,6%. Og það mætti gera ráð fyrir því að yfirverð verði komið niður í 6-7% innan fárra mánaða.“
Hann segir þó ekki mikla ástæðu til að hafa áhyggjur til lengri tíma; nokkur mjög góð ár séu nú að baki; en Hannes telur að markaðurinn verði búinn að rétta úr kútnum innan 18 mánaða.
Athugasemdir