Ömurleg uppákoma varð þegar kallað varð eftir hjálp lögreglu og sjúkraliðs vegna þess að gestur í samkvæmi hafði misst meðvitund og óttast var um líf hans og heilsu. Lögregla var send ásamt sjúkrabifreið í samkvæmið þar sem hinn meðvitundarlausi var. Kom þá í ljós að á vettvangi var mikil ölvun gesta. Sumir gestanna brugðust illa við nærveru þeirra sem komu til hjálpar og voru með dólgshátt. Þeir reyndu að hindra lögreglu og sjúkraflutninga-menn við störf með því halda í sjúkrabörur, hindra aðgang að lyftu og ausa fúkyrðum yfir lögreglumenn. Sá dólganna sem hafði sig í mestu og var handtekinn og læstur inni í fangaklefa. Hann hefði betur haft sig hægan því fíkniefni fundust í fórum hans við komuna á lögreglustöð og hann þarf að svara fyrirt það ásamt því að hafa truflað lögreglu og sjúkralið við störf sín.
Ökumaður, sem var í miðju símtali, var næstum búinn að aka niður mann á rafmagnashlaupahjóli. Honum tókst að nauðahemla áður og forða því að bifreiðin lenti á manninum á hlaupahjólinu. Lögreglumenn urðu vitni að atvikinu og tóku tal af ökumannininum. Hann viðurkenndi brot sitt og verður hann kærður og væntanlega sektaður fyrir að nota farsíma án handfráls búnaði.
Rétt eins og á aðfaranótt laugardags var fjöldi ökumanna grunaður um ölvunarakstur. Á annan tug ökumanna voru stöðvaðir víðsvegar á höfuðborgarsvæðinu grunaðir um akstur undir áhrifum áfengis og fíkniefna. Nokkrir þessara ökumanna voru án gildra ökuréttinda.
Athugasemdir