Joshua Block, þekktur undir nafninu „worldoftshirts“ er vel þekktur á meðal íslenskra unglinga en hann kom nýlega til landsins með það að markmiði að njóta íslenskrar menningar og náttúrufegurðarinnar sem Ísland býður uppá.
Bandaríska TikTok stjarnan er fædd árið 2001 en hann hefur verið í TikTok bransanum frá árinu 2021. Hann er á einhverfurófinu en hefur heillað áhorfendur í gegnum tíðina.
Joshua öðlaðist frægð á tímum Covid, þar sem hann gerði skemmtileg grínmyndbönd en hlutirnir gerðust hratt hjá honum og svo fór að hann fór að neyta mikils áfengis.
Hann ákvað að koma til Íslands á dögunum og var mjög spenntur fyrir heimsókninni. Síðan hann kom til landsins hefur honum ekki liðið mjög vel þar sem fólk hrellir hann stanslaust. Þar sem hann glímir við áfengisvanda eyðir hann flestum dögum sínum í miðbæ Reykjavíkur.
Myndskeið á TikTok hefur öðlast mikla frægð en það sýnir íslenskan mann í miðbæ Reykjavíkur segja honum að íslenska mafían sé að leita að honum og að hann þurfi að borga þeim pening.
Joshua brást ekki vel við þessu en hann hljóp í burtu en maðurinn elti hann. Þar sem Joshua glímir við mikla einhverfu átti hann erfitt með aðstæðurnar.
Sjá myndskeiðið hér að neðan.
Athugasemdir