Fréttatilkynning barst frá skrifstofu forseta Íslands þar sem tilkynnt var að að forseti Íslands sæmdi 14 Íslendinga heiðursmerki hinnar íslensku fálkaorðu, við hátíðlega athöfn á Bessastöðum í dag, 17. júní 2023.
Heiðursmerkin eru veitt tvisvar á ári. Annars vegar 1. janúar ár hvert og sömuleiðis 17. júní
Handhafar Fálkaorðunnar eru:
1. Aðalgeir Egilsson bóndi, riddarakross fyrir framlag til veðurathugana og
minjavörslu.
2. Árný Aurangasri Hinriksson kennari, riddarakross fyrir störf í þágu ættleiddra
barna.
3. Davíð Ottó Arnar, yfirlæknir og prófessor, riddarakross fyrir framlag til
hjartalækninga, vísindarannsókna og nýsköpunar.
4. Elínborg Lárusdóttir félagsráðgjafi, riddarakross fyrir störf í þágu blindra og
sjónskertra.
5. Guðmundur Fylkisson lögreglumaður, riddarakross fyrir störf í þágu ungmenna og
samfélags.
6. Guðrún Birna Gísladóttir, fyrrverandi forstjóri, riddarakross fyrir umönnun og
þjónustu við aldraða.
7. Hafliði Már Aðalsteinsson skipasmíðameistari, riddarakross fyrir framlag til
atvinnulífs, strand- og iðnmenningar.
8. Helgi Guðmundsson, prófessor emeritus, riddarakross fyrir framlag til menntunar
og rannsókna á sviði íslenskra fræða.
9. Jóhanna Bergmann Þorvaldsdóttir bóndi, riddarakross fyrir frumkvöðlastarf í
landbúnaði.
10. Jónatan Garðarsson fjölmiðlamaður, riddarakross fyrir dagskrárgerð og
þekkingarmiðlun um dægurtónlist, nærumhverfi og skógrækt.
11. Kristín Jónsdóttir jarðskjálftafræðingur, riddarakross fyrir framlag til vísinda,
miðlunar og náttúruvárvöktunar.
12. Lilja Hjaltadóttir, fiðluleikari og kennari, riddarakross fyrir framlag til
tónlistaruppeldis- og menntunar.
13. Peter Weiss forstöðumaður, riddarakross fyrir frumkvöðlastarf á sviði menntunar.
14. Svanhildur Konráðsdóttir forstjóri, riddarakross fyrir störf í þágu menningarmála
og ferðaþjónustu.
Mannlíf óskar eftirtöldum innilega til hamingju.
Athugasemdir