Á fjórða tug veikir eftir að hafa borðað á Fabrikkunni: „Ég vona að þessum stað verði lokað“

Tala þeirra ein­stak­linga sem segj­ast hafa veikst í kjöl­farið að borða á Fabrikkunni hefur hækkað tals­vert frá því að Mannlíf greindi fyrst frá mál­inu í gær­morgun. Ekki er komið á hreint hvers vegna gestir veikt­ust þó að ýmsar til­gátur séu um það og var sagt á mbl.is í gær að vinnu­til­gáta Heil­brigð­is­eft­ir­lits Reykja­víkur sé að um Nóró­veiru sé að ræða frekar en mat­ar­eitrun.

Eftir að hafa rætt við fjölda ein­stak­linga um málið virð­ist staðan vera sú að lág­marki 33 ein­stak­lingar hafi veikst eftir að hafa borðað á Fabrikkunni und­an­farna daga. Þeir ein­stak­lingar sem veik­ust voru væg­ast sagt ósáttir við málið í sam­tali við Mannlíf og sagði einn þeirra að þetta væri galið og „Ég vona að þessum stað verði lokað.“

Meiri­hluti fólks sem lét vita af veik­indum sínum veik­ust eftir að hafa borðað á Fabrikkunni í Kringl­unni en að minnsta kosti fjóra ein­stak­lingar sögð­ust hafa orðið veikir eftir að hafa borðað á staðnum í Borg­ar­túni. Þeir hafa einnig lýst óánægju sinni að ein­ungis staðnum í Kringl­unni hafi verið lokað meðan rann­sókn Heil­brigð­is­eft­ir­lits Reykja­víkur fer fram.

Fabrikkan og Heil­brigð­is­eft­ir­lit Reykja­víkur hafa ekki svarað spurn­ingum Mannlífs um málið.