Viðskiptavinir flýja Fabrikkuna – Sýkingin áfall fyrir Þórólf

Eins og Mannlíf hefur fjallað um und­an­farna daga veikt­ist fjöl­mennur hópur fólks eftir að hafa borðað á Fabrikkunni í Kringl­unni. Fyrst var grunur um mat­ar­eitrun en í dag er vinnu­til­gáta Heil­brigð­is­eft­ir­lits Reykja­víkur að um Nóró­veiru sé að ræða. Talið er að um 100 manns hafi smit­ast.

Í sam­tali við Mannlíf í gær­morgun sagði María Rún Haf­liða­dóttir, fram­kvæmda­stjóri Fabrikkunnar, að stað­ur­inn myndi opna í hádeg­inu „Stað­ur­inn opnar. Allt sótt­hreinsað hátt og lágt og starfs­menn hraustir sem eru mættir til vinnu og eld­húsið, búið að gera allar ráð­staf­anir þar.“ 

Þegar blaða­maður Mannlífs kíkti inn á stað­inn í gær kl. 16:30 voru ekki neinir gestir sjá­an­legir, hvorki inn í sal né úti á palli. Fabrikkan hefur verið einn af vin­sæl­ustu veit­inga­stöðum lands­ins frá stofnun hans árið 2010 en stað­ur­inn var seldur í fyrra. Nýir eig­endur eru Kaup­fé­lag Skag­firð­inga, undir for­ustu Þórólfs Gísla­sonar, og Árni Pétur Jónsson og hlýtur þessi sýk­ing að vera mikið áfall fyrir hina nýju eig­endur. Fyrir eig­enda­skipti var hagn­aður félags­ins sem rak Fabrikk­una tæpar 40 millj­ónir króna og verður fróð­legt að sjá hversu mikil áhrif þessi sýk­ing mun hafa á rekstur stað­ar­ins. 

Ekki náð­ist í Maríu Rún Haf­liða­dóttur, fram­kvæmda­stjóra Fabrikkunnar, eða Heil­brigð­is­eft­ir­lit Reykja­víkur við gerð frétt­ar­innar.