Lögreglu gómaði mann í annarlegu ástandi í austurborginni. Þegar hann var fluttur á lögreglustöð kom á daginn að viðkomandi var eftirlýstur og átti að hefja afplánun. Tilvonandi fanginn brást illa við þessu og hljóp frá lögreglu en var handtekinn eftir um 400 metra sprett.
Tilkynning barst um tvo menn í annarlegu ástandi í sömu slóðum Þegar lögreglu bar að garði reyndust aðilarnir vera að njóta lífsins í sólbaði en slíkt athæfi er ekki talið verkefni fyrir lögreglu.
Hnífamaður var var handtekinn í miðbænum og hann fluttur á lögreglustöð.
Nokkrar tilkynningar bárust um innbrot í bifreiðar í Breiðholti. Ekki kemur fram hvort um sama aðila sé að ræða og málið er í rannsókn en íbúar í Breiðholti ættu að gæta að verðmætum í bílum sínum.
Árekstur varð í Breiðholti en sá sem honum olli stakk af af vettvangi og málið er í rannsókn.
Tilkynnt var um umferðaróhapp í Kópavogi þar sem tvær bifreiðar urðu fyrir tjóni en engin slys á fólki.
Lögregla við hefðbundið umferðareftirlit veittu gleraugnaboxi sem lá á götunni athygli en í því reyndust töluverðir fjármunir. Gleraugnaboxið er í vörslu lögreglu þar til eigandi finnst.
Tilkynnt var um innbrot í hverfi 108 og málið er í rannsókn.
Lögregla fékk tilkynningu um brot á fánalögum. Um var að ræða þrjár hópbifreiðar með íslenska þjóðfánann að framan.
Athugasemdir