Vill nýta Tónaflóðssviðið betur: „Tónlistarlífið okkar þarf dálítið boozt“

Egill Helgason segir skort vera á tón­leika­stöðum í Reykja­vík og vill að sviðið sem hýsti Tóna­flóðs­tón­leika Rásar 2 verði nýtt betur.

Sjón­varps­stjarnan Egill Helgason, sem sjálfur er flinkur píanisti, segir í Facebook-færslu að mikið fyr­ir­tæki sé að koma upp hinu glæsi­lega Tóna­flóðs­sviði, hljóð­græum og ljósum „á hinum ann­ars ger­sam­lega van­nýtta Arn­ar­hóli þar sem aldrei er hræða“ en að tón­leik­arnir séu stuttir. Stingur hann upp á að sviðið verði nýtt betur, svona þegar það er komið upp á annað borð, til dæmis með því að byrja tón­leika klukkan 12 og hætta að mið­nætti. „Datt þetta sisvona í hug.“ Segir hann að lokum að tón­list­ar­lífið okkar þurfi „dálítið boozt“ eftir Covid-19 heims­far­ald­ur­inn.

Vanga­veltur Egils má lesa hér fyrir neðan.

„Menn leggja mikið á sig til að koma upp glæsi­legu sviði, hljóð­græjum og ljósum á hinum ann­ars ger­sam­lega van­nýtta Arn­ar­hóli þar sem aldrei er hræða. Þetta er rán­dýrt fyr­ir­tæki en tón­leik­arnir stuttir. Væri ekki hægt að nýta þetta betur þegar það er komið upp á annað borð? Til dæmis með því að hafa heils dags tón­list­ar­há­tíð á Hólnum? Byrja 12 og hætta 12. Datt þetta sisvona í hug. (Ég hef svosem áður sagt að mér þykja tón­leik­arnir á Arn­ar­hóli of stórir fyrir Menn­ing­arnótt­ina, kæfa dálítið hina smærri við­burði, en þetta mætt gera í tengslum við Menn­ing­arnótt – eða ekki?) Tón­list­ar­lífið okkar þarf dálítið boozt – eftir kóvíð og allt það. Og já, það er skortur á tón­leika­stöðum í bænum.“