Inga Sæland sakar ráðherra um valdníðslu: „Henni til ævarandi minnkunar“

Inga Sæland, for­maður Flokks fólks­ins, sakar mat­væla­ráð­herra um vald­níðslu.

Í gær var gefin út skýrsla sem var gerð fyrir mat­væla­ráðu­neytið. Í skýrsl­unni er haldið fram að millj­arða króna tap haf verið á hval­veiðum und­an­farin ár og hafi þær haft lítil áhrif á efna­hag Íslands. Inga Sæland, sem situr í atvinnu­vega­nefnd, tjáði sig um málið í við­tali við Vísi.

„Þessi skýrsla sýnir engan sér­stakan ábata fyrir sam­fé­lagið í heild sinni. Aðal ábat­inn er fyrir þessa 120 starfs­menn sem jafn vel stóla upp á það að geta tekið þessa ver­tíð sem gefa þeim í aðra hönd mun betri tekjur á þessum stutta tíma en með­al­laun í land­inu,“ sagði Inga sem er langt frá því sátt með vinnu­að­ferðir Svan­dísar Svav­ars­dóttur, mat­væla­ráð­herra. 

„Hún virt­ist nú ekki mikið vera að velta fyrir sér stjórn­sýslu­lögum um með­al­hóf og annað slíkt og ákveður að stöðva ver­tíð­ina dag­inn áður en hún átti að eiga sér stað. Það voru stór mis­tök og henni til ævar­andi minnk­unar vegna þess að þetta lit­ast af alveg ótrú­legri vald­níðslu. Svona gerir maður ekki burt­séð frá því hvaða skoðun ég hef á hval­veiðum.“