Sunneva Einars getur ekki hætt að kaupa nammi: „Engar bremsur og allt í botn“

Neytandi Vikunnar er Sunneva Ein­ars­dóttir. Hún er 33 ára félags­ráð­gjafi sem er í fæð­ing­ar­or­lofi. Sunneva býr í Reykja­vík en hún er gift Þórði Rafni Guð­munds­syni, pípara hjá AH Pípu­lögnum, og eiga þau saman þrjár dætur. Sunneva er fyrr­ver­andi lands­liðs­mark­maður í hand­bolta og yfir­leitt nefnd til sög­unnar þegar rætt er um bestu hand­bolta­konur 21. ald­ar­innar. Hún hefur meðal ann­ars spilað með Fram, Gróttu og Stjörn­unni á Íslandi.

Gerir þú verðsamanburð á vörum og þjónustu?

Ég geri verð­sam­an­burð en í raun og veru er það frekar ómeð­vitað heldur en eitt­hvað sem ég ætla mér að gera þegar ég er í búð­inni. Ég veit hvar ódýr­ast er að versla bæði í mat­ar­inn­kaupum og líka fat­ar­inn­kaupum og reyni að halda mig við þær búðir. 

Hvernig sparar þú í matarinnkaupum?

Við reynum að spara og vera skyn­söm þegar kemur að mat­ar­inn­kaupum, við­ur­kenni þó að við mættum alveg gera betur. Við höfum verið að fara í Costco og kaupa hakk og kjúkling, skiptum því upp og setjum í frysti. Einnig höfum við verið að plana 3-4 mál­tíðar fyrir hverja og eina viku og skiptum því þannig að það er auð­velt að nota afganga dag­inn eftir. 

Endurnýtir þú? Ertu með ráð til annarra?

Já, við end­ur­nýtum föt. Barna­loppan er mikið notuð og mæli hik­laust með því að kaupa föt á börnin þar heldur en splunku­nýtt úr búð­inni. Stelp­urnar mínar elska að fá að koma með mér í Barna­lopp­una. Einnig hef ég sjálf verið með bás þrisvar sinnum og finnst frá­bær til­finn­ing að vita til þess að fötin og dótið frá stelp­unum er að fá annan umgang í stað­inn fyrir að fara á haug­ana. 

Hvað hefur þú í huga þegar þú kaupir mat, fatnað og gjafir?

Það sem ég reyni að hafa í huga þegar ég kaupi mat er hvort við virki­lega þurfum að eiga þetta, erum við að fara borða þetta eða er þetta mögu­lega að fara skemm­ast? Ég hef átt það til í gegnum tíð­ina að kaupa eitt­hvað í búð­inni afþví mig langar að prófa eitt­hvað nýtt, gleymi því svo inní skáp og það skemmist. Hrika­legt! Ég reyni líka að vera ekki að flýta mér í búð­inni, ég er fljót­fær að eðl­is­fari sem er ekki gott „combo“ í búðum. Þegar kemur að fatn­aði og gjöfum hugsa ég hvort þetta muni koma sér vel eða ekki og hvort not sé fyrir við­kom­andi föt/hlut. 

Hverju átt þú erfiðast með að draga úr kaupum á?

NAMMI! 

Skiptir umhverfisvernd þig máli?

Já umhverf­is­vernd skiptir mig auð­vitað máli, ég flokka heima hjá mér og bíð spennt eftir nýjum tunnum. Vá hvað ég er orðin mið­aldra! Stelp­unum mínum finnst mjög gaman þegar við biðjum þær að fara í grend­ar­gámana, sér­stak­lega þegar þær fá að fara með glerið Þær segja að það sé svo gaman að heyra þegar glerið brotnar í gámnum!

Annað sem þú vilt taka fram?

Líf og fjör, engar bremsur og allt í botn!