Verðbólgan og verðhækkanir sökum hennar hafa svo sannarlega snert okkur öll. Stefán B. einkaþjálfari fann á dögunum kassakvittun frá matarinnkaupum í september árið 2020. Hann hefur sett saman myndskeið á samfélagsmiðlinum Tiktok frá verðlagi dagsins í dag til samanburðar. Vörurnar voru keyptar í lágvöruversluninni Bónus.
„Fann þess kvittun frá 12. september 2020. Tjékkum hvað allt hefur hækkað mikið,“ segir Stefán í upphafi myndskeiðins. Stefán fór svo í verslunarleiðangur og kaupir sömu vörur og deilir með fylgjendum sínum vöruverðimismuninum frá árinu 2020 og deginum í dag. Því næst reiknar hann prósentuhækkun vörunnar og birtir til hliðsjónar.
Árið 2020 kostaði eggjabakki 575 krónur en kostar í dag 759 krónur. Það samsvarar 32ja prósenta hækkunar.
Lítill peli af rjóma kostaði 286 krónur en kostar í dag 366 krónur sem er 28 prósent hækkun.
Lifrarpylsa var 575 krónur og er í dag á 698 krónur sem er 28 prósent hækkun.
Nautahakk var á 998 krónur og er í dag á 1498 krónur sem er 50 prósent hækkun.
Innkaupapokinn var á 35 krónur en kostar í dag 49 krónur sem er 40 prósent hækkun.
Nýmjólk var á 164 krónur og er í dag á 205 krónur sem er 25 prósent hækkun.
Steiktur laukur kostaði 109 krónur og er í dag 158 krónur og hefur því hækkað um 45 prósent.
Léttur smjörvi var á 359 krónur og kostar í dag 449 krónur sem er 25 prósent hækkun.
Bónus-malakoff kostaði 198 krónur en kostar í dag 259 krónur og hefur því hækkað um 30 prósent.
SS pylsupakki kostaði fyrir þremur árum 423 krónur en kostar í dag 515 krónur sem gerir 21 prósenta hækkun.
Myndskeið Stefáns hafa náð miklu áhorfi og hafa fjölmargir lýst líðan sinni og undrun í athugasemdum. Myndskeiðin má sjá hér að neðan:
Athugasemdir