Íslenskir unglingar skildir eftir í Hollandi: „Play skal svara fyrir þetta“

Hópur íslenskra ung­linga er fastur í Hollandi ásamt tveimur kenn­urum, eftir að flug­fé­lagið Play yfir­bók­aði flugið um 21 sæti.

Kristín Þóra Ólafs­dóttir skrif­aði færslu á Facebook þar sem hún kvartar undan Play en elsta dóttir hennar, 14 ára, er föst í Hollandi ásamt tíu bekkj­ar­systk­inum sínum og tveimur kenn­urum. Ástæðan er sú að flug­fé­lagið yfir­bók­aði flugið sitt um 21 sæti. Segir hún að þeim hafi verið sagt að þau væru í for­gangi og að allt yrði gert til að koma þeim heim. „EN hvað nei nei. Öllum hleypt fram fyrir þau. Fengu að heyra að það kæmust 8 með flug­inu heim. En starfs­mað­ur­inn úti var rétt búinn að til­kynna það þegar er komið og sagt að það hafi verið tekin stjórn­enda­á­kvörðun um að þau yrðu að sitja eftir. SITJA EFTIR……þetta eru 14 og 15 ára börn, hvar er ábyrgð­ar­til­finn­ingin??“

Móðirin segir að nú séu börnin úti og viti ekk­ert. „Núna eru þau úti og vita ekk­ert, vita ekki hvenær og hvernig þau kom­ast heim, missa af inn­an­lands­flug­inu hérna heima í dag. En nei nei PLAY er sama, þeir komust með fulla vél af fólki heim, skítt með leiðu og svekktu börnin og kenn­ar­ana 2 sem eru föst í Hollandi.“

Kristín, sem er afar ósátt, bendir á í lokin að auð­velt sé að koma hópnum heim með Iceland því tvær flug­vélar koma fra Hollandi til lands­ins í dag. Segir hún að lokum: „Já ég er svekkt og reið yfir þessu öllu saman og ætla mér ekki að láta þetta kyrrt liggja. Play skal svara fyrir þetta.“

Hér má lesa færsl­una:

„Ég er svo reið að ég gæti grenjað.

Eldri dóttir mín 14 ára (verða 15) er föst úti í Hollandi ásamt 10 öðrum bekkj­ar­systk­inum sínum og tveimur kenn­urum, vegna þess að @PLAY flug­fé­lag ákvað að yfir­bóka flugið sitt í morgun um 21 sæti, JÁ 21 sæti.Þeim var sagt að þau væru í for­gangi og allt yrði reynt til að koma þeim heim. EN hvað nei nei. Öllum hleypt fram fyrir þau. Fengu að heyra að það kæmust 8 með flug­inu heim. En starfs­mað­ur­inn úti var rétt búinn að til­kynna það þegar er komið og sagt að það hafi verið tekin stjórn­enda­á­kvörðun um að þau yrðu að sitja eftir. SITJA EFTIR……þetta eru 14 og 15 ára börn, hvar er ábyrgð­ar­til­finn­ingin?? Núna eru þau úti og vita ekk­ert, vita ekki hvenær og hvernig þau kom­ast heim, missa af inn­an­lands­flug­inu hérna heima í dag. En nei nei PLAY er sama, þeir komust með fulla vél af fólki heim, skítt með leiðu og svekktu börnin og kenn­ar­ana 2 sem eru föst í Hollandi.Það er auð­velt að koma börn­unum heim, það eru tvær flug­vélar frá

Icelandair

að koma heim í dag og ég veit að það eru laus sæti í þeim.

Já ég er svekkt og reið yfir þessu öllu saman og ætla mér ekki að láta þetta kyrrt liggja. Play skal svara fyrir þetta.“

Ekki náð­ist í Play við vinnslu frétt­ar­innar.