Eldsvoðinn í Eyjaberg – Lést er hann reyndi að slökkva eldinn

Í nóv­em­ber árið 1978 braust út eldur í fisk­vinnslu­hús­inu Eyjaberg í Vest­manna­eyjum. Eldurinn kvikn­aði á efstu hæð húss­ins en honum varð fyrst vart á neðstu hæð húss­ins þegar starfs­fólk tók eftir reyk koma niður stig­ann. Slökkvi­liðið var fljótt á stað­inn en fljót­lega kom í ljós að einn starfs­mann vant­aði, Vignir Sig­urðs­son vélsstjóra en hann hafði verið við vinnu á verk­stæði á efstu hæð­inni. Fannst hann ekki fyrr en 45 mín­útum eftir að slökkvi­liðið mætti á vett­vang en var hann þá lát­inn. Hafði hann ætlað sér að slökkva eld­inn
en skyndi­leg reyk­myndun lokað útgöngu­leiðum fyrir hann. Vignir var 44 ára er hann lést en hann lét eftir sig konu og þrjú börn.

Blessuð sé minnig Vignis

Mynd: Trausti Haf­steins­son

Morg­un­blaðið fjall­aði um hið hræði­lega slys þann 7. nóv­em­ber 1978:

Beið bana í elds­voða í EYJUM

Fisk­vinnslu­stöðin Eyjaberg stöðvast vegna reyk- og bruna­skemmda

Það hörmu­lega slys varð í Vest­manna­eyjum s.l. sunnu­dag að 44 ára gam­all maður, Vignir Sig­urðs­son vél­stjóri, beið bana í elds­voða sem upp kom í fisk­vinnslu­hús­inu Eyjaberg. Elds­upp­tök eru ókunn. Allt bendir til þess að Vignir hafi án þess að láta vita af sér, ætlað að reyna að slökkva eld­inn sem var laus á geymslu­lofti í hús­inu, en skyndi­leg reyk­myndun lokað fyrir honum leiðir út.

Þegar elds­ins varð vart var starfs­fólk húss­ins við vinnu á mið­hæð og neðstu hæð húss­ins, en Vignir var við vinnu á verk­stæði á efstu hæð. Eldsins varð fyrst vart á neðri hæð­unum þegar reykur kom niður stig­ana og var eld­ur­inn þá laus á geymslu­lofti fyrir ofan verk­stæðið og mik­ill reykur. Slökkvi­liðið kom á vett­vang laust fyrir kl. 5 og fannst Vignir ekki fyrr en um 45 mín. síðar uppi á geymslu­loft­inu en þangað hafði hann farið með slökkvi­tæki. Rann­sókn­ar­lög­reglu­maður úr Reykja­vík var feng­inn til þess að kanna elds­upp­tök. Vignir Sig­urðs­son lætur eftir sig eig­in­konu og þrjú börn. Að und­an­förnu hefur verið unnið við síld­ar­fryst­ingu og flökun í Eyja­bergi, en fjár­hags­legt tjón af völdum brun­ans er mjög mikið og er ekki hægt að vinna í hús­inu eins og það er. Taldi Sigurður Þórð­ar­son for­stjóri Eyja­bergs að það myndi taka a.m.k. tvo mán­uði að gera húsið klárt fyrir vinnslu á ný. Húsið er stór­skemmt af sóti og .einnig þarf að fram­kvæma mikla smíða­vinnu, gera við þakið, smíða nýja kaffi­stofu og hreinsa og mála allt húsið í hólf og gólf.