Óttaslegnir gestir flýja Bláa lónið

Bláa lón­inu hefur verið lokað.

Bláa lónið hefur sent frá sér til­kynn­ingu þar sem greint er frá lokun lóns­ins en um er að ræða tíma­bundna lokun í viku meðan ástandið er metið. Margir hafa kallað eftir lokun lóns­ins vegna mögu­leika á eld­gosi á svæð­inu. Í nótt reið yfir einn skjálfti sem mæld­ist fimm að stærð og þrír aðrir sem mæld­ust að minnsta kosti fjórir. Vík­ur­fréttir greina frá því að gestir lóns­ins hafi komið ótta­slegnir hlaup­andi út þegar þeir voru sóttir af leigu­bílum.

„Bláa Lónið hf. hefur ákveðið að loka starf­stöðvum sínum í Svarts­engi í eina viku, þrátt fyrir að við­bún­að­ar­stig almanna­varna hafi ekki verið aukið – staðan verður metin í fram­hald­inu. Lokunin mun taka gildi 9. nóv­em­ber og standa til kl. 07:00, 16. nóv­em­ber.

Truflun á upp­lifun gesta í nótt og langvar­andi aukið álag á starfs­menn eru meg­in­á­stæður lok­un­ar­innar. Bláa Lónið hf. mun fylgj­ast með fram­gangi hrær­ing­anna næstu sól­ar­hringa og meta stöð­una.

Okkar frá­bæru og tryggu starfs­menn fá greidd full laun meðan á lokun stendur og gestir fulla end­ur­greiðslu.“