Arndís Anna Kristínardóttir Gunnarsdóttir, alþingismaður Pírata, er komin í nauðvörn vegna uppákomunnar á KíKíbar um helgina þar sem hún var handtekin um helgina eftir að hafa vcerið innilokuð á salerni staðarins í óljósum erindum. Nútíminn greindi frá því að hún hefði verið dauðadrukkin á salerni staðarins þegar komið var að lokun. Dyraverðir hafi þurft að vekja hana með þeim afleiðingum að hún hafi reiðst. Arndís harðneitar þessu í samtali við Morgunblaðið að þetta sé „slúður“. Um erindi sitt á salernið svarar hún snefsin: „Ég var ekki að gera neitt sem fólki kemur við“.
Hún vildi ekki svara því hve lengi hún hefði verið á salerninu eða hvort hún teldi framkomu sína vera brot á siðareglum þingmanna og vísaði til yfirlýsingar sinnar á Facebook í morgun þar sem hún hældi lögreglunni fyrir handtökuna en skammaðist út í dyraverði fyrir tillitsleysið.
„Ég hef skilning á því að starf dyravarða á skemmtistöðum sé erfitt og ekki síst með fullt hús af fólki í misjöfnu ástandi, þó mín upplifun hafi verið sú að þarna hafi framganga þeirra verið óþarflega harkaleg og niðurlægjandi. Ég hef talað við fyrirsvarsmann staðarins sem bað mig afsökunar fyrir þeirra hönd, sem mér þykir afar vænt um,“ sagði Arndís Anna í yfirlýsingu sinni.
Píratar eru þekktir fyrir þá stefnu sína að hafa allt upp á borðum með gagnsæi að leiðarljósi.
Athugasemdir