Gagnrýnir HSÍ harkalega: „Er þetta fyrirtæki sem íslenskt íþróttafólk vill auglýsa?“

Hrönn G. Guð­munds­dóttir, starfs­maður hjá Rann­sókn­ar­stöð­inni Rif, gagn­rýnir harð­lega að íslenska karla­lands­liðið í hand­bolta, sem nú keppir á EM í Þýska­landi, skuli merkt fyr­ir­tæki sem styðji árásir Ísraela á Gaza.

Hrönn G. Guð­munds­dóttir skrif­aði færslu í gær þar sem hún gagn­rýnir Hand­knatt­leiks­sam­band Íslands, fyrir að merkja treyjur lands­liðs­ins með merki Rapyd, sem sér um færslu­hirð­ingu. Fyr­ir­tækið er ísra­elskt en eig­and­inn styður árásir Ísra­els­hers á Gaza, sem kostað hafa yfir 24 þús­und manns lífið, þar af að minnsta kosti 9.600 börn. Bendir Hrönn á að til­kynnt hafi verið um sam­starf HSÍ og Rapyd 2. nóv­em­ber síð­ast­lið­inn, þegar árás­irnar höfðu staðið yfir í um fjórar vikur. „Rapyd er með starf­semi á land­svæði  sem til­heyrir Palest­ínu en er hernumið af Ísrael og eig­andi fyr­ir­tæk­is­ins er síon­isti og styður her­nám Ísraels! Er þetta fyr­ir­tæki sem íslenskt íþrótta­fólk vill aug­lýsa? Hefur HSÍ virki­lega geð í sér til að þiggja pen­inga frá fyr­ir­tæki sem styður aðskiln­að­ar­stefnu og kúgun palest­ínsku þjóð­ar­innar? Finnst HSÍ verj­andi að skrifa undir samn­ing um að þiggja blóð­pen­inga Ísraels á meðan verið er að murka lífið úr sak­lausum börnum?“

Færsluna má lesa í heild sinni hér fyrir neðan:

„Landslið Íslands í hand­bolta karla tekur nú þátt í EM i Þýska­landi. Fremst á treyju liðs­ins stendur Rapyd með stórum stöfum. Fyrir þau sem ekki vita, þá er Rapyd ísra­elskt fyr­ir­tæki sem býður upp á færslu­hirð­ingu. Skv vef­síðu Rapyd á Íslandi var til­kynnt um sam­starf Rapyd og HSÍ – Hand­knatt­leiks­sam­band Íslands 2. nóv­em­ber 2023, þegar árásir Ísraela á Gaza höfðu staðið yfir í um fjórar vikur. Rapyd er með starf­semi á land­svæði sem til­heyrir Palest­ínu en er hernumið af Ísrael og eig­andi fyr­ir­tæk­is­ins er síon­isti og styður her­nám Ísraels!

Er þetta fyr­ir­tæki sem íslenskt íþrótta­fólk vill aug­lýsa? Hefur HSÍ virki­lega geð í sér til að þiggja pen­inga frá fyr­ir­tæki sem styður aðskiln­að­ar­stefnu og kúgun palest­ínsku þjóð­ar­innar? Finnst HSÍ verj­andi að skrifa undir samn­ing um að þiggja blóð­pen­inga Ísraels á meðan verið er að murka lífið úr sak­lausum börnum? Þess má geta að það er ekki bara karla­lands­liðið sem ber núna merki Rapyd, heldur einnig kvenna­lands­liðið og yngri lands­liðin. Hvað með stuðn­ings­menn lið­anna, vilja þeir kaupa treyju með aug­lýs­ingu frá ísra­elsku fyr­ir­tæki? ÞÖGN ER AFSTAÐA.

#boycottisrael

#freepalestine

#bdsmovem­ent

“