Lögreglan á höfuðborgarsvæðinu hafði í nógu að snúast í gærkvöldi og í nótt, samkvæmt dagbók hennar.
Lögreglustöðin sem sinnir Austurbæ, Miðbænum, Vesturbænum og Seltjarnarnesi, fékk ansi fjölbreyttar tilkynningar í gær en sem dæmi má nefna var tilkynnt um þjófnað í verslun í háaleitis og bústaðahverfinu en málið var afgreitt með vettvangsskýrslu á staðnum, innbrot í heimahúsi í hverfi 103 og þá neitaði einstaklingur að greiða fyrir leigubílinn sinn. Eitthvað var um slagsmál og líkamsárás í miðbænum og einum aðila var skutlað heim eftir að hann fannst sofandi ölvunarsvefn á gangstétt.
Þá barst lögreglunni tilkynning um aðila sem veittist að öðrum með hníf í sundlaug á höfuðborgarsvæðinu en málið er nú rannsakað af lögreglunni. Enginn slasaðist.
Sótölvaður einstaklingur var handtekinn á skemmtistað í miðbæ Reykjavíkur en hann hafði verið að reyna að stofna til slagsmála við gesti og starfsmenn staðarins.
Lögreglustöðin sem sinnir Hafnarfirði, Garðabæ og Álftanesi handtók þrjá ökumenn vegna gruns um akstur undir áhrifum áfengis. Voru þeir allir fluttir á lögreglustöð en var svo sleppt að lokinni blóðsýnatöku. Þá voru tveir til viðbótar handteknir grunaðir um akstur undir áhrifum fíkniefna. Annar þeirra reyndist vera með eggvopn í bíl sínum, sem var handlagt.
Ökumaður bifreiðar var handtekinn af lögreglunni sem sinnir Kópavogi og Breiðholti en ökumaðurinn var grunaður um akstur undir áhrifum fíkniefna.
Lögreglan sem sinnir Grafarvogi, Mosfellsbæ og Árbæ hafði nóg að gera í að handtaka ökumenn vegna gruns um akstur undir áhrifum áfengið og/eða fíkniefna en einn var handtekinn fyrir grun um ölvunarakstur og tveir vegna gruns um akstur undir áhrifum fíkniefna.
Athugasemdir