Júlíana Dögg var kölluð api fyrir framan hóp af fólki: „Hver stal þér?“

Háskóla­nem­inn Júlíana Dögg Önnu­dóttir Chipa greinir á sam­fé­lags­miðl­inum Facebook frá kyn­þátta­hatri sem hún varð fyrir í síð­ustu viku. Und­an­farnar vikur og mán­uði hefur umræða um kyn­þátta­hatur auk­ist á Íslandi og telja sumir að ástandið hafi ekki verið jafn slæmt fyrir minni­hluta­hópa á Íslandi í mörg ár.

„Síð­ast­liðin vika hefur verið skrítin, full af von­brigðum, van­mætti, sorg og reiði. Ég varð fyrir ras­isma tvisvar sinnum á 5 dögum. Í fyrra skiptið var ég kölluð api fyrir framan hóp af fólki og í seinna skiptið var ég spurð hvaðan ég fékk húð­lit­inn minn, ég segi að hann komi frá Mósambík og þá fæ spurn­ing­una “hver stal þér?”.“ skrifar Júlíana um málið.

„Ég ætla ekki að fara dýpra í þessi atvik en ég finn mig knúna til þess að opna þessa umræðu.

Ég skil ekki hvernig fólk í fyrsta lagi hugsar svona og í öðru lagi að það láti svona út úr sér. Hvernig má það vera að árið 2024 sé verið að kalla mig apa og ég spurð hver stal mér og hvernig ég komst til Íslands?“ spyr hún.

„Sorg­legur sann­leik­ur­inn er sá að þessi tvö atvik höfðu ekk­ert rosa­lega mikil áhrif á mig per­sónu­lega vegna þess að ég er svo vön þessu, pælið í því að ég er orðin svo vön því að verða fyrir ras­isma að þetta hefur varla áhrif á mig? En það sem hafði mest áhrif á mig og er ein stærsta ástæða þess að ég vil opna þessa umræðu er að Adeline Brynja og Ayon Rúnar litlu frændsystk­ini Agnars eru mixed race eins og ég og ég vil ekki að þau verði fyrir ras­isma á neinn hátt, það brýtur í mér hjartað að hugsa til þess að þau geta orðið fyrir áreiti fyrir það eitt að vera með dekkri húð en mörg, ég vil ekki að þau verði vön því að verða fyrir ras­isma eins og ég. Þau eiga að geta gengið í skóla, stundað íþróttir og aðrar tóm­stundir, farið út í búð, farið í sund, skemmt sér og lifað líf­inu án þess að verða fyrir ras­isma. Til­finn­ing­arnar sem ég lýsti í byrjun blossuðu upp þegar ég hugs­aði til þeirra,“ heldur Júlíana áfram en orð hennar end­ur­spegla að miklu leyti orð Brynju Dan Gunn­ars­dóttur, þing­manns Fram­sókn­ar­flokks­ins, sem krafð­ist aðgerða gegn kyn­þátta­hatri á Íslandi á Alþingi fyrr í mán­uð­inum og þá sagði Atli Harð­ars­son pró­fessor að kyn­þátta­hatur á Íslandi væri sýni­legt.

„Þau eiga allt lífið eftir og ég vona að sam­fé­lagið leyfi þeim að vera þau sjálf og gefi þeim tæki­færi til þess að blómstra.

Ég var líka einu sinni bara lítil stelpa með dekkri húð en fólkið í kringum mig og það tekur á að þurfa að heyra það liggur við dag­lega að ég sé öðru­vísi. Ég hef byggt mér skjöld og reyni að leyfa þessu ekki að hafa áhrif á mig en ég vil ekki að það sé það sem þarf til þess að kom­ast af í sam­fé­lag­inu okkar. Ég bið ykkur að líta inn á við og hugsa ykkur tvisvar og jafn­vel þrisvar um áður en þið segið eitt­hvað sem við­kemur húð­lit fólks eða upp­runa. Við erum öll mann­eskjur og eigum skilið að komið sé fram við okkur öll af virð­ingu,“ skrifar Júlíana svo að lokum.