Fjórir öskurapar stóðu út á götu í miðborginni – Húsráðandi rak innbrotsþjóf á brott

Eitt og annað gekk á í gær­kvöldi og í nótt á höf­uð­borg­ar­svæð­inu sam­kvæmt dag­bók lög­reglu.

Í mið­borg Reykja­víkur barst til­kynn­ing um fjóra öskurapa sem stóðu á öskr­inu úti á götu. Lög­reglan mætti á vett­vang en aðil­arnir fund­ust ekki. Þá barst til­kynn­ing um mann sem hafði komið sér fyrir í gámi á svæði fyr­ir­tækis í Laug­ar­dalnum en þegar lög­reglu bar að garði, var hann far­inn. Enn einn aðili fannst ekki er lög­reglu barst til­kynn­ing um ein­stak­ling sem var að ónáða hót­el­gesti í miðbæ Reykja­víkur. Sá var far­inn þegar lög­reglu bar að. Maður gekk á miðri Kringlu­mýr­ar­braut stuttu eftir mið­nætti en lög­reglan sinnti útkalli vegna hans, ekki kemur fram í dag­bók­inni hverjar mála­lykt­irnar voru. Rétt fyrir tvö í nótt barst lög­reglu til­kynn­ing um mik­inn tón­list­ar­há­vaða frá skemmti­stað í miðbæ Reykja­víkur en lög­reglan sinnti kall­inu. Þá barst lög­reglu til­kynn­ing um sótölv­aðan mann í mið­borg­inni með ógn­andi til­burði, þegar klukkan var gengin 42 mín­útur í fjögur í nótt. Ekki kemur fram í dag­bók lög­reglu hvort lög­reglan hafi haft hendur í hári manns­ins. 

Í Hafn­ar­firði varð umferða­slys um klukkan 20 í gær­kvöldi. Tvær bif­reiðar skemmd­ust en engin slys urðu á fólki. Þá varð annað umferða­slys í Hafn­ar­firði rétt fyrir klukkan 01:00 í nótt en engin slys urðu á fólki. Olía lak hins vegar frá bif­reið­inni og var því Slökkvi­lið höf­uð­borg­ar­svæð­is­ins sent á vett­vang.

Í Efra-Breið­holti barst til­kynn­ing um lík­ams­árás um mið­nætti en ekki kemur fram hjá lög­regl­unni hvort ein­hver hafi verið hand­tek­inn, né hversu alvar­leg lík­ams­árásin var. Í Kópavogi var þjófur napp­aður í verslun en lög­reglan afgreiddi málið á vett­vangi. Klukkan hálf ell­efu í gær­kvöldi var öku­maður kærður fyrir að aka á 110 kíló­metra hraða á klukku­stund,þ ar sem leyfi­legur hámarks­hraði er 80. Málið var afgreitt á vett­vangi.

Klukkan 16:42 barst lög­reglu til­kynn­ing um rásandi akst­urs­lag í hverfi 110. Lög­reglan sinnti mál­inu og reynd­ist öku­mað­ur­inn ölv­aður. Var hann því hand­tek­inn og færður á lög­reglu­stöð í hefð­bundið ferli.

Úr Graf­ar­vog­inum barst til­kynn­ing um hús­brot klukkan 22:00 í gær­kvöldi en hús­ráð­andi hafði komið inn­brots­þjófinum út og var hann á bak og burt þegar lög­reglan mætti á vett­vang. Einnig var til­kynnt um slags­mál á skemmti­stað í Graf­ar­vog­inum upp úr klukkan tvö í nótt. Lög­reglan sinnti eins og það er orðað í dag­bók­inni.