Stjórnarmaður gagnrýnir leikgleði Ríkisútvarpsins: „Upplifir sig eins og einkafyrirtæki á markaði“

„Aug­lýs­inga­deildin vinnur einnig hörðum höndum að því að afla stofn­un­inni tekna og stofn­unin upp­lifir sig held ég oft eins og einka­fyr­ir­tæki á mark­aði,“ skrifar Ingvar Smári Birg­is­son, lög­maður og nýskip­aður stjórn­ar­maður Rík­is­út­varps­ins. Hann var í gær skip­aður af Alþingi í níu manna stjórn RÚV ehf.

Hann gagn­rýnir stofn­un­ina í færslu á Facebook og bendir meðal ann­ars á bram­bolt rík­is­fyr­ir­tæk­isns á Tik Tik og öðrum sam­fé­lags­miðlum. RÚV hefur verið gagn­rýnt fyrir að þenja sig stöðugt út á kostnað ann­arra miðla og með skatt­pen­inga í far­angrinum. Ingvar Smári segir að „þessi leik­gleði“ hafi kosti og galla.

„Þegar einn aðili hefur svo mikla fjár­hags­lega með­gjöf getur það verið mjög var­huga­vert og haft veru­leg ruðn­ings­á­hrif á mark­aðnum, sem og er raunin tel ég,“ skrifar hann.

Hann telur að sjálf­stæði stjórn­enda RÚV hafi leitt af sér ákveðna óráðs­síu.

„Stofn­an­irnar verða að fé án hirðis þar sem þær eru á sjálfs­stýr­ingu, bæði fjár­hags­lega og stjórn­un­ar­lega. Ég deili áhyggjum með þing­mönnum Sjálf­stæð­is­flokks­ins og fleirum um að þessi þróun hafi ekki verið til bóta.“