Einar borgarstjóri segir gjörninginn „vitleysu“: „Það er stór menntapólitísk aðgerð að fara í það“

Ljóst er að stjórn Félags leik­skóla­kenn­ara tekur ekki undir yfir­lýs­ingar póli­tíkusa þar sem haldið er á lofti skyndi­lausnum „sem engu skila,“ líkt og kemur fram í nýrri ályktun stjórnar félags­ins; þar segir að engin form­leg vinna sé í gangi í tengslum við kjara­samn­inga varð­andi skipu­lagn­ingu skóla­starfs í leik­skólum: Því síður vinna í gangi að skoða að taka fimm ára börn í grunn­skóla.

Þetta kom fram á Vísi.

Líkt og kom fram í gær lögðu borg­ar­full­trúar Sjálf­stæð­is­flokks­ins 1.600 vett­linga á gólfið í Tjarn­ar­sal ráð­húss­ins; einn vett­lingur átti að tákna hvert barn er bíður eftir leik­skóla­plássi í borg ótt­ans.

Einar Þor­steins­son borg­ar­stjóri sagði þennan gjörn­ing „vit­leysu“ – þetta væru alls og bara alls ekki 1.600 börn á bið – heldur umsóknir, og þar sé mik­ill munur á. Sagði borg­ina vera í miðju umsókn­ar­ferli; það væri hægt að tala um biðlista er ferl­inu lyki.

Oddviti Sjalla, hún Hildur Björns­dóttir, gagn­rýndi hversu illa hefði verið tekið í þeirra eigin hug­myndir á kjör­tíma­bil­inu er varða lausnir á leik­skóla­vand­anum; líkt og heim­greiðslur til for­eldra er bíða; og að hefja til­rauna­verk­efni þar sem börn byrja 5 ára í grunn­skóla í stað 6 ára.

Hildur Björns­dóttir.

Einar borg­ar­stjóri sagði þvert á móti þeirra hug­myndir hafa verið teknar til skoð­unar og sú hug­mynd að færa börn 5 ára í grunn­skóla væri eitt­hvað sem væri til skoð­unar á vett­vangi Sambands íslenskra sveit­ar­fé­laga:

„Það er stór menntapóli­tísk aðgerð, að fara í það, og mik­il­vægt að vinna það með fag­sam­fé­lag­inu og for­eldrum. Það er eng­inn sem stendur í vegi fyrir slíkum hug­myndum.“

Haraldur Freyr Gíslason, forð­maður Félags leik­skóla­kenn­ara. Samsett mynd.

Stjórn Félags leik­skóla­kenn­ara imprar á í ályktun sinni um þetta mál að þau legg­ist gegn hug­mynd­inni um að taka börn fyrr inn í grunn­skóla sem ein­hvers­konar lausn á vanda leik­skóla­stigs­ins; er það sýn félags­ins að það sé eigi börnum fyrir bestu.

„Stjórn Félags leik­skóla­kenn­ara leggur til að í stað inni­halds­lausra skyndi­lausna og gjörn­inga sem engu skila að sveit­ar­fé­lögin upp­fylli að fullu und­ir­ritað sam­komu­lag og lof­orð um jöfnun launa á milli mark­aða. Sé það gert verður um að ræða raun­hæfa leið til að gera það sem skiptir öllu máli – sem er að fjölga kenn­urum á leik­skóla­stig­inum,“ segir að end­ingu í ályktun félags­ins.