Löggan í æsilegum eltingarleik: Tekinn á tvö hundruð!

Vin­sælasta dag­bók Íslands er að sjálf­sögðu dag­bók lög­regl­unnar.

Ung­linga­skemmtun árs­ins, Sam­fest­ing­ur­inn fór fram í Laug­ar­dals­höll og gekk með afbrigðum vel – en þar komu saman um 4500 ung­menni víðs­vegar af land­inu.

Sam­fé­lags­lög­reglu­menn voru á svæð­inu og voru til taks auk útkallslög­reglu. Haft var orð á því að ung­mennin höfðu verið til fyr­ir­myndar.

En svo var þetta hér að neðan:

Lög­reglu­stöð 1:

Lögregla sinnti aðstoð við tvo öku­menn vegna umferð­ar­ó­happs. Engin slys á fólki en eitt­hvað tjón á bif­reiðum eftir. Einn hand­tek­inn eftir að hafa neitað að segja til nafns að kröfu lög­reglu. Vistaður í fanga­klefa í þágu rann­sóknar máls­ins. Tilkynnt um inn­brot en þar hafði til­kynn­andi fengið meld­ingu í sím­ann sinn frá örygg­is­kerfi að ein­hver væri að brjót­ast inn. Málið í rann­sókn. Aðili hand­tek­inn í mið­borg­inni vegna óspekta á almanna­færi. Vistaður í fanga­klefa þar til hann er við­ræðu­hæfur. Ökumaður hand­tek­inn grun­aður um akstur undir áhrifum ávana- og fíkni­efna. Fluttur á lög­reglu­stöð í hefð­bundið ferli.

Lög­reglu­stöð 2:

Á varð­svæði lög­reglu­stöðvar tvö sinnti lög­regla aðstoð­ar­beiðni vegna umferð­ar­slyss en þar varð þónokkuð eigna­tjón en bless­un­ar­lega ekki nein slys á fólki. Einn öku­maður var hand­tek­inn grun­aður um ölvun við akstur. Hann var fluttur á lög­reglu­stöð í hefð­bundið ferli.

Lög­reglu­stöð 3:

Fjórir öku­menn kærðir fyrir of hraðan akstur. Sá hrað­asti mæld­ist á 132 km hraða þar sem hámarks­hraði 80 km. Lög­reglu­menn hófu eft­ir­för eftir að öku­maður sinnti ekki stöðv­un­ar­merkjum lög­reglu. Ók hann bif­reið sinni á allt að 200 km hraða þegar mest var og sýndi af sér víta­vert gáleysi með akst­urs­lagi. Eft­ir­förin var meðal ann­ars um íbúða­hverfi og end­aði með því að lög­regla þurfti að aka utan í bif­reið­ina til að stöðva hana. Öku­mað­ur­inn var í kjöl­farið hand­tek­inn grun­aður um akstur undir áhrifum ávana- og fíkni­efna og fyrir að hlíta ekki fyr­ir­mælum lög­reglu. Hann færður í fanga­klefa og vistaður í þágu rann­sóknar máls­ins.

Lög­reglu­stöð 4:

Tilkynnt um yfir­stand­andi inn­brot en til­kynn­andi kvaðst hafa auga á manni í gegnum örygg­is­mynda­véla­kerfi. Einn aðili hand­tek­inn á vett­vangi en hann hafði í fórum sínum tölu­vert af ætl­uðu þýfi. Aðilinn vistaður í fanga­klefa í þágu rann­sóknar máls­ins. Ökumaður hand­tek­inn grun­aður um akstur undir áhrifum áfengis. Fluttur á lög­reglu­stöð í hefð­bundið ferli.