Handtóku mann sem var með útdraganlega kylfu – Tveir sváfu ölvunarsvefni á víðavangi

Samkvæmt dag­bók lög­regl­unnar sinnti lög­reglan á höf­uð­borg­ar­svæð­inu 82 málum milli 17:00 til 05:00 í nótt. Hér fyrir neðan má sjá brot af þeim málum.

Lög­reglan sem vinnur í Aust­ur­bænum, Miðbænum, Vest­ur­bænum og á Sel­tjarn­ar­nesi stöðv­aði öku­menn tveggja bíla en annar þeirra reynd­ist undir áhrifum fíkni­efna og hinn drukk­inn.

Tilkynnt var um slags­mál fyrir utan skemmti­stað í Miðbænum en ekki fylgir sög­unni hvort þau hafi verið enn í gangi þegar lög­reglu bar að garði.

Í hverfi 101 voru höfð afskipti af aðila sem var með útdrag­an­lega kylfu en hann var hand­tek­inn og fluttur á lög­reglu­stöð í skýrslu­töku. Eftir hana var honum sleppt.

Þá bár­ust tvær til­kynn­ingar um aðila sem höfðu drep­ist áfeng­is­dauða og sváfu úti á víða­vangi í hverfi 101 og 105. Lög­reglan aðstoð­aði ein­stak­ling­ana.

Þrír öku­menn voru stöðv­aðir af lög­regl­unni sem ann­ast Hafn­ar­fjörð, Garðabæ og Álftanes en þeir reynd­ust undir áhrifum fíkni­efna eða áfengis. Í Hafn­ar­firði barst til­kynn­ing um rúðu­brot sem og bíl sem var utan vegar í hrauni.

Lög­reglan sem ann­ast Kópavog og Breið­holt hafði afskipti af öku­manni sem reynd­ist undir áhrifum áfengis. Þegar betur var að gáð reynd­ist hann einnig án gildra öku­rétt­inda.

Þá hafði lög­reglan afskipti af aðila sem var að sprengja flug­elda.