Elín vildi kaupa þvag óléttra kvenna: „Það er töluverð eftirspurn eftir þessu“

Elín Ólafs­dóttir vildi kaupa þvag óléttra kvenna árið 1986 en DV greindi frá mál­inu á sínum tíma.

„Þetta er smá­iðn­aður sem er að fara í ganga en á vafa­lítið eftir að borga sig. Það er tölu­verð eft­ir­spurn eftir þessu horm­óni,“ sagði Elín Ólafs­dóttir, læknir og líf­efna­fræð­ingur, í sam­tali við DV en hún var að rann­saka sér­staka blöndu horm­óna. Þeirri blöndu var svo sprautað í gyltur til að stýra fengi­tíma þeirra.

„Þetta gengur þannig fyrir sig að við blöndum saman horm­óni úr blóði fyl­fullra mera og horm­óni er finnst í þvagi þung­aðra kvenna. Útkoman verður sér­stakt efni sem hægt er að nota til að stýra fengi­tíma gyltna eins og það er orðað. Hormónið í þvagi kvenn­anna er í hámarki þegar þær em komnar 8-10 vikur á leið en minnkar hægt og síg­andi úr því,“ hélt Elín áfram og sagði að það væri nokkuð erfitt að safna þvag­inu.

Fer eftir markaðsvirði

„Það er ljóst að sú söfnun getur orðið heil­mikið mál og það verður að sjálf­sögðu að greiða van­færum konum eitt­hvað fyrir þvagið. Hver sú upp­hæð verður fer að sjálf­sögðu eftir mark­aðs­verði horm­óns­ins sjálfs.“

Blanda hafði fram að þessum tíma­punkti verið flutt inn frá Hollandi en rann­sóknir á henni voru með ann­ars styrktar af Rann­sókna­ráði rík­is­ins. Þá stóð til að fram­leiðslan yrði í höndum lyfja­fyr­ir­tæk­is­ins G. Ólafsson.