Ferðamaður, sem féll í Jökulsá við Stuðlagil upp úr tvö í dag, fannst látinn um klukkan fimm í dag.
Samkvæmt tilkynningu frá lögreglunni á Austurlandi er um að ræða erlenda konu á fertugsaldri sem var á ferð með öðrum einstaklingi. Fannst hún látin í ánni skammt neðan við gilið.
Um klukkan hálf þrjú í dag barst lögreglunni tilkynning um manneskju í ánni við gilið og voru björgunarsveitir víða af Austurlandi kallaðar út auk sjúkraliðs og lögreglu. Þá fóru þyrlur Landhelgisgæslunnar í lofið og var nýkomin á vettvang er leitinni lauk.
Kristján Ólafur Guðnason, yfirlögregluþjónnn hjá lögreglunni á Austurlandi, segir í samtali við Austurfrétt að aðgerðir við Stuðlagil hafa gengið vel en að slæmt farsímasamband sé þó í gilinu sjálfu. Var talinn möguleiki á því að sterkir straumar árinnar hefðu hrifið konuna með sér og borið hana niður farveginn. Því voru ráðstafanir gerðar meðfram ánni til leitar.
Nú rannsakar lögreglan á Austurlandi tildrög slyssins en ekki getur hún veitt frekari upplýsingar að svo stöddu.
Athugasemdir