Slökkvilið Vesturbyggðar var kallað til í nótt vegna mengunarslyss er um það bil eitt þúsund lítrar af maurasýru láku úr bamba á iðnaðarsvæði á Bíldudal, en þetta kemur fram á fréttavefnum Vísi.
Sem betur fer sakaði engan sakaði; en maurasýra er ákaflega ertandi við snertingu sem og innöndun.
Þetta sagði Davíð Rúnar Gunnarsson, slökkviliðsstjóri í Vesturbyggð, í samtali við fréttastofu Vísis.
Sagði einnig að mannskapur af þremur stöðvum hafi farið í útkallið; frá Patreksfirði – Bíldudal sem og Tálknafirði.
Það var um klukkan eitt í nótt sem verið var að afferma flutningabíl fullan af bömbum fylltum maurasýru á iðnaðarsvæði er gat kom á einn bambann.
Kemur fram að maurasýra er notuð í ýmsum tilgangi; fóðurgerð, votheysgerð og einnig verkun á ýmsum fiskiafurðum.
Áðurnefndur Davíð Rúnar segir að starfsmönnnum á svæðinu hafi tekist að koma sér burtu án þess að fá á sig sýruna eða anda henni að sér í of miklu mæli, en maurasýra sé svo ertandi að hún brenni í gegnum slökkviliðsbúning. Einnig sé uppgufun af henni afar skaðleg öndunarfærum og augum.
En sem betur fer er engin hætta á ferð lengur; svæðið sé iðnaðarsvæði og lítil íbúabyggð í nágrenni þess og því hafi íbúum Bíldudals ekki stafað nein hætta af mengunarslysi þessu.
Athugasemdir