Lögreglustöð 1 – Austurbær- Miðbær-Vesturbær-Seltjarnarnes:
3 ökumenn stöðvaðir grunaðir um akstur undir áhrifum áfengis og/eða fíkniefna.
Eigendur 30 ökutækja sektaðir fyrir stöðubrot í miðbæ Reykjavíkur.
Lögregla kölluð til vegna líkamsárásar í miðbænum.
Tilkynnt um hópslagsmál í miðbæ Reykjavíkur.
Mikið af minniháttar málum í miðbænum sem tengdust ölvun og ólátum.
Lögreglustöð 2 – Hafnarfjörður- Garðabær- Álftanes:
Tilkynnt um aðila í annarlegu ástandi í umferðinni. Við afskipti lögreglu streittist viðkomandi talsvert á móti og tókst að brjóta rúðu í lögreglubifreið. Aðilinn var tekinn í tök og fluttur á lögreglustöð þar sem hann var vistaður sökum ástands.
Lögregla kölluð til vegna unglingateitis sem fór úr böndunum. Samkvæmið var leyst upp.
Ökumaður stöðvaður í akstri grunaður um akstur undir áhrifum áfengis. Laus eftir hefðbundið ferli.
Lögreglustöð 3 – Kópavogur- Breiðholt:
Lögregla kölluð til vegna umferðaróhapps en ekki er talið að neinn hafi slasast í óhappinu. Við rannsókn málsins kom í ljós að annað ökutækið var óskráð í kerfum lögreglu og var því tekið úr umferð.
Ökumaður stöðvaður í akstri vegna gruns um akstur undir áhrifum ávana- og fíkniefna. Þegar lögregla kom að bifreiðinni voru farþegi og ökumaður í óða önn að skipta um sæti og reyndu að villa um fyrir lögreglu. Það tókst ekki og báðir aðilar voru handteknir á vettvangi. Þá fundust einnig fíkniefni í bifreiðinni.
3 ökumenn stöðvaðir án ökuréttinda. Allt leyst með vettvangsskýrslu.
Lögreglustöð 4 – Grafarvogur- Mosfellsbær- Árbær:
Ökumaður stöðvaður í akstri grunaður um akstur undir áhrifum ávana- og fíkniefna. Sá var einnig sviptur ökuréttindum. Laus eftir hefðbundið ferli.
Athugasemdir