Emma rekin úr landi

Til stendur að brott­vísa fjöl­skyldu á flótta til Venes­ú­ela á fimmtu­dag­inn kom­andi. Emma Alessandra Reyes Portillo, þriggja ára dóttir for­eldr­anna, glímir við mjaðma­los og er á biðlista fyrir skurð­að­gerð í febr­úar. Fjöl­skyldan sótti um vernd á Íslandi í júlí 2023. Þetta kemur fram í til­kynn­ingu frá NO Border Iceland.

Um er að ræða þriggja manna fjöl­skyldu. Eleomar Alex­ander Reyes Perez, Angelyn (fæddur 1996), Katiuska Portillo Perez (fædd 1994) og Emma Alessandra Reyes Portillo (fædd 7. mars 2021).
Lögmaður fjöl­skyld­unnar hefur óskað eftir frestun rétt­ar­á­hrifa en þeirri beiðni hefur verið vísað frá.

Öryrkja­banda­lag Íslands hefur bent á skyldur stjórn­valda til að tryggja sér­stök rétt­indi
barna og fatl­aðra barna og laga­skyldur. Segir að lögð sé sú skylda á aðild­ar­ríki að veita þjón­ustu til að koma í veg fyrir frek­ari fötlun. Bent er á að hætta sé á að Emma  verði alvar­lega fötluð fái hún ekki við­eig­andi eft­ir­fylgni. Ekki er tekið til­lit til þess­ara
atriða í úrskurðum um brott­vísun fjöl­skyld­unnar.
Þá segir í yfir­lýs­ing­unni að skurð­að­gerð­unum sé alls ekki lokið þar sen aðra aðgerð þarf til að fjar­lægja plötu úr Emmu. Sú ðgerð er sögð afar flókin og sér­hæfð.