Býður sig fram til formanns Sjálfstæðisflokksins: „Mig dreymdi að Ólafur Thors rétti mér epli“

Snorri Ásmunds­son hefur ákveðið að bjóða sig fram í for­manns­sæti Sjálf­stæð­is­flokks­ins.

Lista­mað­ur­inn Snorri Ásmunds­son sendi rétt í þessu frá sér yfir­lýs­ingu þar sem hann til­kynnir fram­boð sitt til for­manns Sjálf­stæð­is­flokks­ins. Snorri, sem er þekktur fyrir sér­stakan húmor sinn og gjörn­inga, seg­ist hafa dreymt að Ólafur Thors hafi komið til hans og rétt sér epli. Í draumnum var einnig Margaret Thatcher en Ólafur breytt­ist skyndi­lega í Bjarna Bene­dikts­son, frá­far­andi for­mann flokks­ins.

Hér má lesa yfir­lýs­ingu Snorra í heild sinni:

„Kæru flokksystk­ini í full­trú­ar­ráði

Ég hef ákveðið að gefa kost á mér í for­manns­sætið í Sjálf­stæð­is­flokknum, eftir að hafa fengið skila­boð í draumi. Mig dreymdi að Ólafur Thors kom til mín hvít­klæddur í jakka­fötum og rétti mér epli. Ég tók við eplinu og þá sá ég að Margaret Thatcher stóð fyrir aftan hann og brosti blíð­lega. Ég tók eplið og sá þá að það var skorið í eplið bók­staf­ur­inn D. Ég leit þá aftur á Ólaf og sá þá að hann hafði breyst í Bjarna Ben. Þegar ég vakn­aði ráð­færði ég mig við drauma­ráðn­inga­fólk og þau voru öll sam­mála um að þetta væru skýr skila­boð um að ég ætti að taka við flokknum. Ég er bæði meir og þakk­látur og er stoltur af rótum mínum í flokknum, en afi minn, nafni minn sat stofn­fund heimdallar. Ég tek glaður við flokknum og ætla að stefna til sig­urs í næstu alþing­is­kosn­ingum sem verða boð­aðar innan 6 mán­aða.“