3000 manns glíma við eftirköst Covid á Íslandi

Í kringum 3000 manns glíma við lang­vinn eft­ir­köst Covid sam­kvæmt Land­lækn­is­emb­ætt­inu en ekki er haldið utan um töl­fræði um börn sér­stak­lega.

„Það eru ekki ein­föld grein­ing­ar­skil­merki. Það er ekki að maður taki eitt­hvað próf og þá ertu með eða ekki með kvill­ann eða sjúk­dóm­inn. Þannig að nákvæm töl­fræði er ekki til, en af þessum hóp eru vafa­laust líka börn,“ sagði Valtýr Stef­áns­son Thors, barna­smit­sjúk­dóma­læknir hjá Barna­spít­ala Hrings­ins, í við­tali við RÚV um málið.

Hann segir að grein­ingin sé erfið og skil­grein­ingin fyrir börn óskýr. Þá séu ein­kenni barna og full­orðna ekki endi­lega eins. Samkvæmt Valtý eru börn á Íslandi sem geta ekki sinnt dag­legum störfum vegna eft­irkasta Covid og það vanti end­ur­hæf­ing­ar­úr­ræði fyrir þau. Þó að vissu­lega séu til úrræði þurfi að sníða þau sér­stak­lega fyrir börn. Hann vill meina að slíkt yrði mjög til bóta.

Hann tekur þó fram að flest þeirra barna sem glíma við eft­ir­köst Covid sýni minni háttar ein­kenni.