Félagið DÝRIÐ, sem berst fyrir réttinum til að mótmæla, hefur nú sameinast listamanninum Árni Má í sérstakri listrænni viðleitni sem nefnist „Búum til börn“. Verkið er nú aðgengilegt á BASTA-vettvanginum.
Samstarfið sameinar baráttu DÝRSINS fyrir mannréttindum og stuðning við rétt palestínsku þjóðarinnar, með skapandi sýn Árna Más. Útkoman er verk með sterka fagurfræðilega birtingu og djúpa samfélagslega merkingu.
DÝRIÐ vill að því er fram kemur í fréttatilkynningu, sérstaklega þakka Árna Má fyrir hans gjafmildi og samstöðu. „Þetta samstarf hefur mikla þýðingu fyrir okkur,“ segir Daníel Þór, talsmaður DÝRSINS.
„Á tímum þegar palestínskar fjölskyldur eru sundraðar er öflugt að skapa og deila verki sem fjallar um líf, ást og andspyrnu.“
Allur ágóði af sölu verksins rennur til DÝRSINS til að styðja réttinn til friðsamlegra mótmæla og styðja málarferli hóps mótmælenda sem „beittir voru piparúða og öðru ofbeldi“ í fyrra.
Uppboðið hófst 31. maí, en þá var ár frá því að lögregla „beitti mótmælendum ofbeldi“ í Skuggasundi, eins og það er orðað í tilkynningunni.
Safnarar og stuðningsfólk geta boðið í verkið og kynnt sér samstarfið nánar hér.
Uppboðinu lýkur með „live“ uppboði í Gallery Port laugardaginn 14. júní klukkan 15:00.
Mótmæli
Boðað til skyndimótmæla við utanríkisráðuneytið vegna árása á Íran
Leikstjóri verðlaunakvikmyndar neitaði að taka við friðarverðlaunum
Fréttamaðurinn Don Lemon handtekinn vegna mótmæla gegn ICE
Rithöfundar og fræðimenn þrýsta á bresk yfirvöld vegna hungurverkfallsfanga
Ungur mótmælandi í Íran verður tekinn af lífi
Athugasemdir