Hólavallagarður friðlýstur

Jóhann Páll Jóhanns­son, umhverfis-, orku- og lofts­lags­ráð­herra, stað­festi í dag frið­lýs­ingu vegna Hóla­valla­garðs við Suð­ur­götu en greint er frá þessu í til­kynn­ingu frá yfir­völdum.

Frið­lýs­ingin tekur til Hóla­valla­garðs í heild; veggjar umhverfis garð­inn, heild­ar­skipu­lags hans, klukkna­ports, minn­ing­ar­marka og ásýndar garðs­ins.

„Það er við­eig­andi að í dag, 19. júní, kven­rétt­inda­dag­inn, skuli frið­lýsa Hóla­valla­garð. Hér hvíla merkar konur sem eiga stóran sess í sögu kven­rétt­inda­bar­átt­unnar á Íslandi, Bríet Bjarn­héð­ins­dóttir, Ingi­björg H. Bjarna­son, Katrín Thorodd­sen og áfram mætti telja. Með frið­lýs­ing­unni er ein­stakt gildi Hóla­valla­garðs á ólíkum sviðum und­ir­strikað. Mér er því ljúft að stað­festa þessa frið­lýs­ingu, en garð­ur­inn er mörgum kær og með honum hefur varð­veist svo margt í okkar sögu, hvort sem það teng­ist minn­ing­ar­mörkum, skipu­lagi, eða plöntu­teg­undum sem margar hverjar finn­ast aðeins þar,” sagði Jóhann Páll um frið­lýs­ing­una.

Frið­lýs­ingin er gerð að til­lögu Minja­stofn­unar Íslands og er í sam­ræmi við ákvæði laga um menn­ing­arminjar. Garð­ur­inn hefur notið hverf­is­verndar sam­kvæmt deiliskipu­lagi til að varð­veita ein­stakt menn­ing­ar­sögu­legt yfir­bragð garðs­ins vegna minn­ing­ar­marka og rækt­un­ar­sögu.