Bendir á áhuga Guðrúnar á ESB fyrir ellefu árum

Sam­fé­lags­rýn­ir­inn frá Grinda­vík, Björn Birg­is­son kastar fram bombu, ef svo má að orði kom­ast, í nýrri Facebook-færslu. Þar bendir hann á tví­skinn­ungs­hátt Guðrúnar Haf­steins­dóttur varð­andi Evr­ópu­sam­bands­við­ræður Íslands.

„Guðrún Haf­steins­dóttir for­maður Sjálf­stæð­is­flokks­ins birti kost­aða færslu á Facebook í til­efni heim­sóknar Ursulu von der Leyen, fram­kvæmd­ar­stjóra ESB til Íslands, þar sem hún segir heim­sókn­ina vera með­vit­aða póli­tíska yfir­lýs­ingu og sagði meðal ann­ars eft­ir­far­andi:

Við í Sjálf­stæð­is­flokknum höfum alltaf lagt ríka áherslu á gott og fag­legt sam­starf við önnur ríki og alþjóða­stofn­anir. En við gerum skýran grein­ar­mun á sam­starfi og yfir­ráðum. Ísland á ekki að láta aðra móta stefnu okkar í sjáv­ar­út­vegi, orku­málum, eða varn­ar­málum. Það er okkar að gera það.

Við munum ekki sitja hljóð og horfa á meðan þessu er stýrt áfram með þöglu sam­þykki. Við ætlum að leiða umræð­una um þessi stóru mál. Sjálf­stæð­is­flokk­ur­inn mun standa vörð um hags­muni Íslands. Við viljum fram­tíð byggða á frelsi, ábyrgð og traustri þátt­töku í alþjóða­sam­fé­lag­inu - en á for­sendum þjóð­ar­innar sjálfrar.“

Svar Björns

„Guðrún Haf­steins­dóttir vildi verða for­maður Samtaka iðn­að­ar­ins 2014 og henni tókst það út á boð­aða stefnu sína, meðal ann­ars að hún vildi ljúka aðild­ar­við­ræðum við Evr­ópu­sam­bandið og láta þjóð­ina kjósa um aðild­ar­samn­ing.“ Björn byrjar færslu sína á þennan hátt en hún hefur vakið tals­verða athygli á Facebook.

Rifjar Björn upp kosn­ingar um for­mann Samtaka iðn­að­ar­ins árið 2014:

„Í kosn­ing­unni um for­mann Samtaka iðn­að­ar­ins 2014 voru tveir fram­bjóð­endur í kjöri:

Guðrún Haf­steins­dóttir, mark­aðs­stjóri Kjörís og stjórn­ar­maður í SI.

Svana Helen Björns­dóttir, þáver­andi for­maður stjórnar SI og stofn­andi/stjórn­ar­for­maður Stika ehf.

Á aðal­fundi SI sem hald­inn var í Laug­ar­dals­höll þann 6. mars 2014 var mjög jöfn keppni milli Guðrúnar og Svönu.

Guðrún fékk 52,4 % (106.151 atkvæði)
Svana Helen fékk 43,8 % (88.684 atkvæði)
Aðrir fengu 3,8 % atkvæð­anna.

Því var Guðrún Haf­steins­dóttir kjörin for­maður SI, með tæp­lega 8 pró­sentu­stiga for­skoti.“

Segir hann Guðrúnu hafa lýst afstöðu sinni á skýran hátt fyrir kosn­ingar, til aðil­ar­við­ræðna við ESB.

„Guðrún lýsti afstöðu sinni skýrt í ræðu fyrir kosn­ingu, þar á meðal varð­andi aðild­ar­við­ræður við ESB, afnám virð­is­auka­skatts á vinnu iðn­að­ar­manna, ein­földun skatt­kerfis og efl­ingu átaks­ins “Allir vinna” til að draga úr svörtum vinnu­mark­aði.

Guðrún gegndi svo for­mennsku hjá Samtökum iðn­að­ar­ins frá mars 2014 til árs­ins 2020.“

Því næst vitnar Björn í orð Guðrúnar um hið mikla hita­mál sem aðild­ar­um­sókn að ESB er:

„Guðrún sagði í til­kynn­ingu um fram­boðið 2014 að hún vildi ljúka aðild­ar­við­ræðum við Evr­ópu­sam­bandið og kjósa um aðild­ar­samn­ing.

Í til­kynn­ingu hennar sagði orð­rétt:

„Ná þarf sem hag­stæð­ustu samn­ingum fyrir allar atvinnu­greinar og almenn­ing og leggja nið­ur­stöð­una í dóm kjós­enda í þjóð­ar­at­kvæða­greiðslu.

Ég treysti dóm­greind þjóð­ar­innar í þessu stóra máli.

Afnema ætti virð­is­auka­skatt af vinnu iðn­að­ar­manna á bygg­ing­ar­stað. Það er gríð­ar­lega mik­il­vægt að minnka svarta vinnu og ég vil festa í sessi átakið „Allir vinna“.

Þá þarf að ein­falda reglu­verk atvinnu­lífs­ins og stóran hluta skatt­kerf­is­ins.

End­ur­skoða þarf VSK-skatt­kerfið frá grunni. Við þurfum hag­fellt skatt­kerfi og hvata fyrir nýsköpun og skap­andi greinar.

Ég vil end­ur­skoða tolla- og vöru­gjalda kerfið. Það stendur íslenskum iðn­aði stór­lega fyrir þrifum og hækkar verð­lag í land­inu. Þetta er afleitt kerfi sem skilar litlu.

Við verðum að koma fjár­fest­ingum af stað og það verður að lækka vexti.

Þetta háa vaxta­stig er mein­semd í íslensku sam­fé­lagi.

Gera þarf átak á sviði sam­göngu­fram­kvæmda og Samtök iðn­að­ar­ins þurfa að vinna með stjórn­völdum að því marki.

Þá er aldrei of oft sagt að það er for­gangs­mál að losa landið úr gjald­eyr­is­höftum.

Breiddin í Samtökum iðn­að­ar­ins er mikil og við þurfum að gæta hags­muna allra, smárra jafnt sem stórra fyr­ir­tækja.“

Að lokum spyr Björn Sjálf­stæð­is­menn hvort þeir hafi vitað um vilja Guðrúnar er hún hlaut kosn­ingu sem for­maður flokks­ins:

„Vissu Sjálf­stæð­is­menn um þennan vilja Guðrúnar þegar hún var kjörin for­maður flokks­ins?

"Ná þarf sem hag­stæð­ustu samn­ingum við Evr­ópu­sam­bandið fyrir allar atvinnu­greinar og almenn­ing og leggja nið­ur­stöð­una í dóm kjós­enda í þjóð­ar­at­kvæða­greiðslu".“