Bendir á líkindi milli Úkraínustríðsins og upphafs seinni heimstyrjaldarinnar

Valur Gunn­ars­son, rit­höf­undur og sagn­fræð­ingur segir margt líkt með stöð­unni í Úkra­ínu­stríð­inu og stöð­unni í Evrópu rétt fyrir upp­haf seinni heim­styrj­öld­ina.

„Ætli Selenskí verði ekki lát­inn gefa eftir land í skiptum fyrir óljósar örygg­is­trygg­ingar. Sem Pútín tekur ekki mark á og þá færumst við frá 1938 yfir í 1939.“ Þannig hljómar Facebook-færsla Vals Gunn­ars­sonar en Mannlíf heyrði í honum og bað hann um að útskýra málið betur.

Í skrif­legu svari lýsir sagn­fræð­ing­ur­inn því hvernig Bretar og Frakkar reyndu að koma í veg fyrir stríð árið 1938.

„Árið 1938 hittu Bretar og Frakkar Hitler og Mús­sól­íni til að koma í veg fyrir stríð. Nið­ur­staðan varð sú að Hitler fékk Súd­eta­héruð Tékkóslóvakíu þar sem þýsku­mæl­andi fólk bjó en varn­ar­virkin voru öll. Á móti fengu Tékkar örygg­is­trygg­ingar og Hitler lof­aði að taka ekki meira.“

Valur segir að Hitler hafi hins vegar svikið lof­orðin í mars næsta ár á eftir.

„Í mars 1939 tók hann hins vegar yfir rest­ina af Tékkóslóvakíu og fór að hóta Pól­verjum. Nú fengu Bretar nóg og gáfu Pól­verjum örygg­is­trygg­ingar. Hitler tók ekki mark á þeim (hvers vegna að berj­ast fyrir Pólverja en ekki Tékka) og réð­ist inn. The rest is history.“

Aðspurður hvort hann væri svart­sýnn á stöð­una í Úkraínu, í þessu ljósi, segir Valur að þetta sé að minnst kosti svartasta sviðs­myndin.

„Þetta er að minnsta kosti svartasta sviðs­myndin, að frið­ar­samn­ingar á kostnað Úkraínu leiði til enn stærra stríðs. Þetta gæti gerst ef Úkraína fær örygg­is­trygg­ingar sem Pútín tekur ekki mark á, hann svíkur samn­ing­inn og með því neyð­ast Evr­ópu­ríkin til að bregð­ast við. En auð­vitað vonar maður það besta.“