Kristinn hvetur til aukinnar blöndunar Íslendinga

Kristinn Hrafns­son, rit­stjóri WikiLeaks, skrif­aði í hádeg­inu í dag Facebook-færslu þar sem hann hvetur til auk­innar blönd­unar Íslend­inga og segir slíkt vera bæði þjóð­legt og sam­fé­lag­inu til fram­dráttar. Færslan er eins og oft hjá Kristni, löðr­andi í hæðni en hún hefst á eft­ir­far­andi máta:

„Það laust niður í mig löngun til þess að gefa land­inu aldeilis ókeypis og óum­beðið ráð. Þetta er því eins konar land­ráð og verði ég kall­aður land­ráða­maður fyrir vikið, mun ég taka því í þeim skiln­ingi,“ skrifar Kristinn og segir ráðið vera að „stór­auka blöndun Íslend­inga, okkur til fram­dráttar, bæði vegna menn­ing­ar­legs ávinn­ings og lík­am­legs.“

Hann segir slíka stefnu eiga djúpar rætur í íslenskri sögu og minnir á að Íslend­ingar hafi frá upp­hafi verið blend­ings­þjóð. „Sérstaða Íslend­inga, vel umfram flestar aðrar nor­rænar þjóðir, felst í því að við erum frá upp­hafi blend­ings­þjóð. Hér mætt­ust nor­ræn og írsk eða kelt­nesk gen,“ skrifar hann.

Kristinn telur að kelt­neski arf­ur­inn hafi verið grund­vall­ar­at­riði fyrir íslenskan menn­ing­ar­arf. „Hið auð­ug­asta í íslenskum menn­ing­ar­arfi er rit­listin sem við getum þakkað írska arf­inum. Án blönd­unar ættum við engan rit­aðan sagna­arf, engin hand­rit til að vera stolt yfir.“

Með þessa sögu að baki segir hann að Ísland eigi að ganga lengra í blöndun en nú er gert. „Með þessa for­sögu í huga eigum við að stuðla að enn meiri inn­blöndun en við búum við í dag. Þannig verðum við rík­ara og betra sam­fé­lag.“

Í færsl­unni skýtur hann einnig ádeilu á lok­un­ar­stefnu í inn­flytj­enda­málum. „Sú stefna að loka og læsa vist­ar­verum er ávísun á óloft, sagga, myglu og van­líðan. Látum ekki Ísland mygla, opnum glugga og hleypum ferskum vindum til lands­ins.“

Að lokum leggur Kristinn áherslu á að menn­ing­ar­verð­mæti þjóð­ar­innar verði þó varin: „En fyrir alla muni verjum íslensk­una, okkar mikla djásn.“