Ólöf Dómhildur komin í nýtt og spennandi starf

Ólöf Dóm­hildur Jóhanns­dóttir er nýr upp­lýs­inga­full­trúi Ísa­fjarð­ar­bæjar. Hún hefur átt heim­ili á Ísafirði frá árinu 2012 að því er fram kemur í frétt Bæjarins bestu.

Ólöf lauk B.A.-prófi í mynd­list frá Lista­há­skóla Íslands árið 2006 og bætti síðar við sig námi í ljós­myndun frá Iðn­skól­anum í Reykja­vík árið 2008. Árið 2015 útskrif­að­ist hún einnig með meistara­gráðu í hag­nýtri menn­ing­ar­miðlun.

Á árunum 2022 til 2026 starf­aði hún sem kenn­ari á lista- og nýsköp­un­ar­braut Mennta­skól­ans á Ísafirði. Þar sinnti hún meðal ann­ars kennslu, sviðs­stjórn og ýmsum þró­un­ar­verk­efnum, tók þátt í skipu­lagn­ingu Vöru­messu og átti sæti í gæða­ráði skól­ans.

Frá árinu 2012 hefur Ólöf jafn­framt starfað við kennslu í Grunn­skól­anum á Ísafirði, gegnt störfum verk­efna­stjóra og rekstr­ar­stjóra í Edin­borg­ar­hús­inu, setið í nefndum á vegum Ísa­fjarð­ar­bæjar og tekið virkan þátt í fjöl­breyttu félags­starfi.