Slagsmálahundar í Hafnarfirði

Nokkur útköll vegna inn­brota, lík­ams­árásar og ölv­un­arakst­urs komu til kasta lög­reglu á höf­uð­borg­ar­svæð­inu í nótt

Rúður voru brotnar í hús­næði í mið­borg­inni og farið inn í bygg­ing­una. Samkvæmt upp­lýs­ingum lög­reglu voru engin merki um að neinu hefði verið stolið úr hús­næð­inu. Þá var einnig til­kynnt um inn­brot í verslun í sama hverfi þar sem pen­inga­kassa var stolið. Málið er til rann­sóknar.

Í Reykja­vík var maður hand­tek­inn vegna gruns um inn­brot í heima­hús. Maðurinn var sagður í ann­ar­legu ástandi vegna fíkni­efna­neyslu og var vistaður í fanga­klefa lög­reglu.

Tveir ein­stak­lingar voru hand­teknir í Hafn­ar­firði vegna lík­ams­árásar eftir að þeir höfðu lent í slags­málum. Báðir eru skráðir sak­born­ingar í mál­inu.

Lögregla stöðv­aði ölv­aðan öku­mann í Hafn­ar­firði eftir að hann reyndi að kom­ast undan lög­reglu. Öku­mað­ur­inn yfir­gaf bif­reið­ina og reyndi að flýja hlaup­andi en var hand­samaður skömmu síðar. Við athugun kom í ljós að hann var einnig sviptur öku­rétt­indum.

Þá var annar öku­maður stöðv­aður Reykja­vík, grun­aður um akstur undir áhrifum áfengis og fíkni­efna. Þegar lög­regla ræddi við mann­inn neit­aði hann að gefa upp nafn sitt og kenni­tölu og var því hand­tek­inn og færður á lög­reglu­stöð. Síðar kom í ljós að hann hafði einnig verið sviptur öku­rétt­indum.