Freyr fær sparkið frá Brann

Freyr Alex­and­ers­son hefur látið af störfum sem þjálf­ari norska knatt­spyrnu­fé­lags­ins SK Brann eftir erf­iða byrjun á tíma­bil­inu. Félagið stað­festi tíð­indin í til­kynn­ingu í dag þar sem Frey var þakkað fyrir vel unnin störf. Aðstoð­ar­þjálf­ar­inn Jonathan Hartmann hefur einnig látið af störfum hjá félag­inu.

Samkvæmt norska miðl­inum VG var ákvörð­unin tekin eftir fundi Freys með stjórn­endum félags­ins um helg­ina. Þar kemur fram að Freyr hafi notið stuðn­ings leik­manna­hóps­ins en ekki stjórnar félags­ins.

Brann hefur tapað síð­ustu þremur leikjum sínum í norsku úrvals­deild­inni og situr nú í ell­efta sæti deild­ar­innar, aðeins tveimur stigum frá fall­svæð­inu.

Freyr tók við lið­inu í jan­úar árið 2025 og stýrði því í Evr­ópu­deild­ina á sínu fyrsta tíma­bili. Íslensku lands­liðs­menn­irnir Sævar Atli Magn­ús­son, Eggert Aron Guð­munds­son og Kristall Máni Ingason leika með Brann.