Margréti er ekki skemmt

Margrét Frið­riks­dóttir, sem rekur fjöl­mið­il­inn Frettin.is, sakar menn í Facebook hópnum „afhjúpum kven­fyr­ir­litn­ingu“ um fyr­ir­litn­ingu í sinn garð.

„Ég verð að segja að mér finnst eig­in­lega alveg kómískt að það eru karlar þarna úti sem að virð­ast bera mikla andúð í minn garð því ég er kristin kona sem er óhrædd við að tjá mig. Þessir menn vilja alls ekki að mín rödd fái að heyr­ast og bölsót­ast yfir því að það var tekið opin­skátt við­tal við mig.“

Margrét var dæmd í þrjá­tíu daga fang­elsi vegna orða sem hún lét falla um Barböru Björns­dóttur hér­aðs­dóm­ara. Henni er ekki skemmt vegna athuga­semda á síð­unni.

„Það merki­lega er að þessir menn eru m.a. að skrifa á síðu sem ber nafnið „afhjúpum kven­fyr­ir­litn­ingu.“ Þarna eru mörg ljót orð látin falla í minn garð, m.a. að ég sé „geð­veik“ og „hat­urs­full“ og eigi því ekki að fá að tjá mig opin­ber­lega.

Ég held að þessum ves­al­ings mönnum væri nær að líta í spegil og spyrja sig að því hvers vegna þeir séu svona hat­urs­fullir og reiðir í garð konu sem þeir þekkja ekki neitt og hafa aldrei talað við. Já og aðra eins kven­fyr­ir­litn­ingu hef ég sjaldan upp­lifað.“

Margrét, sem er á veg­ferð guðs, ítrek­aði skoðun sína á hér­aðs­dóm­ar­anum eftir dóms­upp­kvaðn­ing­una og flutti Pass­íu­sálm í dóms­sal. Í færslu sinni vill hún biðja fyrir þessum mönnum sem hún segir vera hat­urs­fulla í hennar garð og segir „ég finn til með þessum mönnum og mun biðja fyrir þeim.“