Munaði litlu að alvarlegur árekstur yrði á íslenskum vegi þegar ökumaður pallbíls tók áhættusaman framúrakstur, samkvæmt myndskeiði sem birt hefur verið í Facebook-hópnum Fávitar í umferðinni en Mannlíf greindi frá málinu í gær.
Myndbandið var birt af Ívari Erni Smárasyni og sýnir ferð mótarhjólakappans Halldórs Guðmundssonar en hann er á mótorhjólinu í myndbandinu og er eiginkona hans að aka á eftir honum. Þegar líður á upptökuna sést rauður pallbíll koma á móti umferð á meðan hann reynir að taka fram úr fleiri en einni bifreið. Pallbíllinn var með pallbíl á kerru í eftirdragi þegar atvikið átti sér stað.
Af myndskeiðinu að dæma sést að ökumaðurinn er kominn yfir á öfugan vegarhelming þegar umferð nálgast úr gagnstæðri átt. Á síðustu stundu tekst honum að beygja aftur út af veginum og forða þannig árekstri. Að því loknu heldur hann för sinni áfram.
Atvikið hefur vakið athygli á samfélagsmiðlum þar sem margir hafa gagnrýnt aksturslagið harðlega og bent á hversu alvarlegar afleiðingar slíkur framúrakstur geti haft.
Málið er á borði lögreglu á Norðurlandi vestra að sögn Halldórs.
Í athugasemdakerfi Mannlífs við fréttinni í gær skrifar Vilhjálmur Þorvarðarson og játar að vera ökumaðurinn umdeildi.
„Nú gét ég ekki orðabundist lengur þar sem ég var ökumaður og eigandi þessa bíls þetta atvik gerist við gröf í vestur Húnavatnssýslu þar sem er há og laung brekka og sést þar vel út alla Húnavatnssýslu fyrir þessa beygju það var ekkert ökutæki sjánalegt þegar ég kem fram á brekkubrunina svo ég fór að taka fram úr húsbíl og einum pikkup með hestakerru sem keyrðu frekar rólega á óbritinni Línu en þetta tók lengri tíma en ég hefði áætlað svo skyndilega birtist þetta mótorhjól og bíll í töluverðri fjarlægð á eftir þessu hjóli var það rétt af mér að taka framúr við þessar aðstæður nei klárlega ekki og tek ég það bara á mig það var ekkert annað að gera í þessari stöðu en að keyra bílinn útaf til drepa ekki manninn og væri ég alveg til í að ná tali af þessum manni sem var á þessu hjóli ekki til að skammast heldur bara til að ræða málin því það er enginn þaklátari en ég að þarna varð ekki slys,“ skrifar Vilhjálmur.
„Skoðaðu myndbandið til enda þar sem mynbandið er klift þar er óbrotin Lína upp alla brekkuna þar sem framúrakstur byrjar laungu fyrir þessa heilu línu og auðvelt að draga ályktanir af einhliða vídeói en þeyr sem voru fyrir aftan mig og sáu hvað skéði vita það að þetta mótorhjól var hvergi sjánlegt fyrr en það birtist sem minnir okkur alltaf betur á það að þau sjast illa en eins og ég hef sagt áður þá afsaka ég ekki þennan framúrakstur og óska ég öllum þeim netröllum hér þess að lenda aldrei í þessari stöðu við getum öll gert mistök og lært af þeim þessi sekúndubrot að setja bílin útaf björguðu lýfí þessa 1 manns en ég er að sjálfsögðu málaður hér upp sem glæpamaður undir áhrifum fíkniefna og ég veit ekki hvað og hvað ekkert af þessu á við rök að styðjast bara raung ákvörðun og meiraðsegja þú Eiríkur Barkason getur lent í því aldrei gleyma því,“ skrifar hann í annarri athugasemd.
„Er fólk algjörlega stropað í hausnum ég er ekki að reyna að bera mér neinar málsbætur ég útskýrði bara aðstæður laungu fyrir þessa mynda töku ég gerði mistök það er alveg klárt og læri af því en uræðan er komin út í vitleysu það munu allir læra af þessu svo einfalt er það.“
Athugasemdir